,,ქართული ოცნების“ წევრის გია ვოლსკის განცხადებით, თავის დროზე გიორგი პაპუაშვილს ფიზიკური პირისათვის უკანონოდ წართმეილი ბინა გადასცეს. აღნიშნულის შესახებ დეპუტატმა მოსამართლე ტურავასთვის ბათუმში ბინის შეძენასთან დაკავშირებით გავრცელებული სკანდალის კომენტირებისას განაცხადა.

,,ფიზიკური პირის იყო, რომელსაც “აახიეს“ ბინა და მისცეს პაპუაშვილს. ვფიქრობ, მიუიხედავად იმისა, პაპუაშვილი შეჭრილია თუ არა ადამიანის ბინაში, რომელსაც თავის დროზე უკანონოდ წაართვეს ეს ბინა, ინსტიტუტს, რასაც ქვია საკონსტიტუციო სასამართლო, მოსამართლეებსაც პატივი უნდა ვცეთ და შევინარჩუნოთ პოზიტიური დამოკიდებულება მათ მიმართ. ყველა საკითხს აქვს თავისი პასუხი. მარტო ერთ მხარეს არ უნდა მოვუსმინოთ არასოდეს პაპუაშვილი იქნება ეს, ტურავა იქნება თუ სხვასთან დაკავშირებით, ჩვენ უნდა გვქონდეს გარკვეული კორექტულობის ნორმები”, - აღნიშნა ვოლსკიმ.

გავრცელებულ ინფორმაციას, მოსამართლე მერაბ ტურავასთვის ბათუმის მერიის საკუთრებაში არსებული ბინის უსასყიდლოდ გადაცემის შესახებ, საია ეხმაურება. ახალგაზრდა იურისტები მიიჩნევენ, რომ ამ ქმედებით ჩრდილი მთლიანად მოსამართლის ინსტიტუტს ადგება.

რაც შეეხება აჭარის მთავრობის თავმჯდომარეს, არჩილ ხაბაძე აღნიშნავს, რომ სახელმწიფოს მოსამართლისათვის ბინის 10 წლიანი იჯარა და შესყიდვა, ერთი და იგივე უჯდება.

საკონსტიტუციო სასამართლოს მოსამართლე მერაბ ტურავასთვის ბინის გადაცემის საკითხს ბათუმის მერია დღეს ბათუმის საკრებულოს ბიუროზე გაიტანს, ხვალ კი საკრებულოს სხდომაზე განიხილება.