დღეს კიდევ ერთხელ შემიძლია დავარწმუნო საქართველოს პრემიერ-მინისტრი ევროკომისიის მხირდან ვიზალიბერალიზაციის საკანონმდებლო ინიციატივას მხარდაჭერასთან დაკავშირებით. ამის შესახებ ჟან-კლოდ იუნკერმა ევროსაბჭოს საპარლამენტო ასამბლესი პლენარულ სესიაზე გამოსვლისას განაცხადა.

ევროკომისიის პრეზიდენტმა აღნიშნა, რომ საქართველოს ვიზალიბერალიზაციასთან დაკავშირებით ახალი პირობები არ ექნება. ამასთან, ჟან-კლოდ იუნკერი მიიჩნევს, რომ ვიზალიბერალიზაციის შესახებ საკანონმდებლო ინიციატივა ქართველი ხალხის მიმართ სამართლიანია.

ჟან-კლოდ იუნკერი გიორგი კვირიკაშვილს დღეს შეხვდება. ”საქართველოს ვიზალიბერალზიაციასთან დაკავშირებით ახალი პირობები არ ექნება. მე შევხვდები თურქეთის პრემიერ-მინისტრს, შემდეგ საქართველოს პრემიერ-მინისტრთან გავმართავ მოლაპრაკებებს. შემიძლია, კიდევ ერთხელ დავარწმუნო საქართველოს პრემიერ-მინისტრი ევროკომისიის მიერ ვიზალიბერალიზაციის შესახებ საკანონმდებლო ინიციატივის მხარდაჭერასთან დაკავშირებით. ვფიქრობ, საკანონმდებლო ინიციტივა ქართველი ხალხის მიმართ სამართლიანია. ევროკომისიამ საქართველოსთან ვიზალიბერალიზაციასთან დაკავშირებით დადებითი დასკვნა გამოაქვეყნა”, -  განაცხადა იუნკერმა.

შეგახსენებთ, Die Welt-ის ცნობით, ევროკავშირმა საქართველოსთან, უკრაინასთან, კოსოვოსთან და თურქეთთან ვიზალიბერალიზაციის შეთანხმებაში, შესაძლოა, ახალი პირობები ჩადოს.

კერძოდ, ევროკავშირსა და თურქეთს შორის არსებობს შეთანხმება, რომ თუ ოფიციალური ანკარა ლტოლვილებთან დაკავშირებით მიღწეული შეთანხმებით აღებულ ვალდებულებებს არ შეასრულებს, ევროკავშირს შეეძლება თურქეთთან ვიზალიბერალიზაციასთან დაკავშირებით მიღწეული შეთანხმება გადაავადოს.

გამოცემის ინფორმაციით, ასეთივე პირობები შესაძლოა, საქართველოსთვის, უკრაინისა და კოსოვოსთვისაც ამოქმედდეს. გადავადების პუნქტის ჩადება ვიზალიბერალიზაციის შეთანხმებაში საფრანგეთმა და გერმანიამ მოითხოვა. აღნიშნულთან დაკავშირებით საბოლოო გადაწყვეტილება ჯერ მიღებული არ არის.