ემოციურად მქონია მომენტი, როდესაც სხვა გადაწყვეტილების მიღება მდომებია, მაგრამ სამწუხაროდ, სახელმწიფო ბიუროკრატიას აქვს  თავისი სამართლებრივი ჩარჩოები,  - განაცხადა გიორგი კვირიკაშვილმა, ტელეკომპანია „ობიექტივის“ ჟურნალისტის კითხვაზე სამართლიანობის აღდგენასთან დაკავშირებით.

მისი თქმით, სახელმწიფოს აქვს სამართლებირივი ჩარჩოები და სამართლიანობის აღდგენა ერთ-ერთ რთულ გამოწვევად რჩება.

„მეც მაქვს განცდა, რომ შესაძლოა, ეს პროცესები დასაჩქარებელი იყოს და ამ მიმართულებით ჩვენ გადავდგამთ ნაბიჯებს. მაგრამ, სახელმწიფოს აქვს სამართლებირივი ჩარჩოები.  თუ ერთი, ორი შემთხვევა მაინც არსებობს ისეთი, ვინც დათმო ქონება, მაგრამ სანაცვლოდ აიღო სხვა, ამ საქმეებს ესაჭიროება გამოკვლევა. გეთანხმებით, რომ დღეს ბევრი ადამიანი ცხოვრობს ისეთი შეგრძნებით, რომ მის მიმართ სამართლიანობა დარღვეულია. პირობას ვიძლევი, რომ მაქსიმალურად შევეცდებით, ეს პროცესები დავაჩქაროთ", -  განაცხადა გიორგო კვირიკაშვილმა.