პარლამენტმა სავჩენკოს პატიმრობის შესახებ, ”თავისუფალი დემოკრატების” მიერ მომზადებული რეზოლუცია დაამტკიცა
საქართველოს პარლამენტმა უკრაინის უმაღლესი რადას წევრის ნადეჟდა სავჩენკოს პატიმრობის შესახებ, ”თავისუფალი დემოკრატების” მიერ მომზადებული რეზოლუცია 85 ხმით დაამტკიცა.
დოკუმენტში საქართველოს პარლამენტი რუსეთის ხელისუფლებას მოუწოდებს, დაუყოვნებლივ გაათავისუფლოს ნადეჟდა სავჩენკო და სხვა უკანონოდ დაკავებული უკრაინის მოქალაქეები, ან გადასცეს ისინი უკრაინას, ასევე არ დაუშვას სავჩენკოსა და სხვა უკანონოდ დაკავებული უკრაინის მოქალაქეების მძევლად გადაქცევა, მათი სიცოცხლისათვის საფრთხის შექმნა და მათი ფუნდამენტური უფლებების დარღვევა.
