"ერთიანი ნაციონალური მოძრაობის" დეპუტატ თინა ბოკუჩავას განცხადებით, კანონპროექტის გამკაცრებას, რომელიც პირადი ცხოვრების ჩაწერა გავრცელებას ეხება, მიესალმება. თუმცა, დეპუტატი მიიჩნევს, რომ ასეთ შემთვევაშიც კი, ეს მსგავსი ფაქტების შემაკავებელი ბერკეტი ვერ გახდება.

ბოკუჩავა შეეხო პარლამენტის სხდომაზე გაკეთებულ რეპლიკებსაც და კანონმდებლებს შესაბამისი ქცევისკენ მოუწოდა.

"როდესაც გიორგი კანდელაკი საუბრობს და შემდგომ ისმის შეძახილები, რომ ნაცემი რადგან არაა მადლობა უნდა თქვას, ეს მართლაც მიუღებელია და მინდა შეგახსენეოთ, რომ ეს ბიძინა ივანიშვილის ზოოპარკი არაა, ესაა პარლამენტი, ქვეყნის უმაღლესი საკანონმდებლო ორგანო და ძალიან გთხოვთ მისი ზოოპარკის ბინადრებივით ნუ მოიქცევით, მოვიქცეთ შესაბამისად.

ასევე, უცნაურია და არ მესმის როგორ შეიძლება არ იყოს უხერხული გიორგი ვოლსკისთვის საბჭოთა კვშირსა და ცეკაზე საუბრი, როცა 9 აპრილის მერე ის ცეკას ინსტრუქტურად რჩებოდა და საქართველოს დამოუკიდებლობის იდეის წინააღმდეგ მუშაობდა.

რაც შეეხება კანონპროექტს, მივესალმები იმას, რომ სანქციები მკაცრდება და ეს ასეც უნდა იყოს. პირადი ცხოვრების უკანონოდ ჩაწერა გამოქვეყნება მორალური ტერორია, მაგრამ სამწუხაროდ აქვე უნდა აღინიშნოს, რომ არ მაქვს იმედი ეს გამკაცრებული ვერსია შემაკავებელი ბერკეტი გახდება ამ ხელისუფლების პირობებში”, - განაცხადა ბოკუჩავამ.