გარემოსა და ბუნებრივი რესურსების დაცვის მინისტრი გიგლა აგულაშვილი ევროპის რეკონსტრუქციისა და განვითარების ბანკის (EBRD) კავკასიის რეგიონულ დირექტორს ბრუნო ბალვანერას შეხვდა.

შეხვედრის მონაწილეებმა მომდევნო ოთხი წლის სტრატეგია განიხილეს. კერძო სექტორის განვითარება, კაპიტალის ბაზრის განვითარება, რეგიონული ურთიერთობები და ენერგეტიკა და ენერგოეფექტურობა,  ეს ის საკითხებია რომლებზეც მხარეებმა იმსჯელეს.

EBRD-ის ინიციატივით, ენერგეტიკისა და ენერგოეფექტურობის სტრატეგიის ფარგლებში, მხარეები „მწვანე ქალაქის“ კონცეფციასა  და კილმატის ცვილების ადაპტაციის გეგმას ერთობლივად შეიმუშავებენ.

EBRD-სთვის გარემოსდაცვითი საკითხები ძალიან მნიშვნელოვანია და ახალი სტრატეგიის შემუშავების პროცესში ვიმყოფებით. ჩვენ განვიხილეთ პრიორიტეტული საკითხები, მათ შორის ენერგოეფექტურობა და ადაპტაციის გეგმები. მომავალში სამინისტროსთან მჭიდრო თანამშრომლობას ვაპირებთ.