,ნაციონალურ მოძრაობაში“ აცხადებენ, რომ ხელისუფლებას, ფარული ვიდეოკადრების გავრცელების საკითხზე პასუხის გასაცემად, რამდენიმე საათი აქვს.

"მე მგონი ზღაპარში არ ვცხოვრობთ, როდესაც ასობით ადამიანს მისდის ასეთი მესიჯები, როგორ შეიძლება რომ სამართალდამცავ ორგანოებმა ვერ მიაკვლიონ ვერანაირ კვალს, ეს არის სრული აბსურდი, ხელისუფლებას რამდენიმე საათი აქვს, რომ პასუხი გვითხრას, წინააღმდეგ შემთხვევაში ჩვენ ყველამ უნდა ვთქვათ, რომ ამაში თანამონაწილე არის ხელისუფლება თავისი პოლიციური სამართალდამცავი ორგანოებით, პოლიტიკური პოლიციით, რომელიც თავიდან ბოლომდე ამ პროცესში ჩართულია", - განაცხადა ენმ-ის წევრმა გიორგი ვაშაძემ.

დღეს, სავარაუდოდ, ერთ-ერთი პოლიტიკოსის პირადი ცხოვრების ამსახველი კიდევ ერთი ვიდეო გავრცელდა. ვიდეოს ბმული Facebook-ის რამდენიმე მომხმარებელმა, მათ შორის, ჟურნალისტმა მაკა რაზმაძემ და მსახიობმა ბესო ზანგურმა მიიღეს. გავრცელებული ინფორმაციით, ვიდეოს გავრცელებასთან დაკავშირებით, ვაკის პოლიციაში უკვე იმყოფებოდა მსახიობი ბესო ზანგური. მთავარ პროკურატურაში კი აცხადებენ, რომ ამ ეტაპზე ინფორმაცია არ აქვთ.