„21-ე საუკუნეში გარემოს დაცვის პრობლემა ერთ-ერთი მთავარი თავსატეხია. თავდაცვის სამინისტრო და, კონკრეტულად, ჩვენი ბატალიონი და ბრიგადა აქტიურად არის ჩართული მსგავს ღონისძიებებში. ჯარისკაცები, რომლებიც დღეს აქ იმყოფებიან, სიხარულით მონაწილეობენ გამწვანების ღონისძიებებში, რათა დაუტოვონ ჩვენს შვილებს უფრო ჯანმრთელი გარემო და საქართველო“, - აღნიშნა I მსუბუქი ქვეითი ბრიგადის მეთაურის მოადგილემ, ვიცე-პოლკოვნიკმა ოთარ დოლიძემ.
აქციაში არასამთავრობო ორგანიზაციებისა და ადგილობრივი თვითმმართველობის წარმომადგენლებიც მონაწილეობდნენ.
ღონისძიების ფარგლებში, ე.წ „თეატრონის“ მიმდებარე ტერიტორიაზე, დეგრადირებული პარკის რეკონსტრუქციისთვის 300-მდე ელდარის ფიჭვის, თუთის, იფანის, პავლონიასა და ტუიას სახეობის ნერგი დაირგო.

21 მარტი ტყის საერთაშორისო დღედ გაეროს გენერალურმა ასამბლემამ გამოაცხადა, მისი მიზანი ტყის მნიშვნელობის შესახებ საზოგადოების ცნობიერების ამაღლებაა.