ევროკავშირის ლიდერები შეთანხმდნენ საერთო პოზიციაზე მიგრაციის კრიზისის მოგვარებასთან დაკავშირებით, რომელსაც ისინი თურქეთს წარუდგენენ. ამი შესახებ ,,ბიბისის“ ინფორმაციით, ლუქსემბურგის პრემიერ-მინისტრმა ქსავიე ბეტელმა განაცხადა. შეთანხმებას თურქეთის პრემიერ-მინისტრს ევროსაბჭოს პრეზიდენტი დონალდ ტუსკი წარუდგენს, - წერს ,,ტვიტერზე“ ბეტელი.

შეთავაზება საბერძნეთში თურქეთიდან გადასული ყველა მიგრანტის უკან დაბრუნებას ითვალისწინებს. სანაცვლოდ კი, როგორც მოსალოდნელია, ევროკავშირი ანკარას ფინანსურ დახმარებასა და შენგენის ქვეყნებთან უვიზო მიმოსვლას შესთავაზებს.

გერმანიის კანცლერმა ანგელა მერკელმა თურქეთი გააფრთხილა, რომ მან ლტოლვილთა დაცვის საერთაშორისო სტანდარტები უნდა უზრუნველყოს.

მისი განმარტებით, შეთანხმების მიხედვით თურქეთის ბანაკებიდან ევროკავშირში ლტოლვილების გადასახლება რამდენიმე დღეში დაიწყება მას შემდეგ, რაც საბერძნეთიდან თურქეთში პირველი არალეგალი მიგრანტი დაბრუნდება. თურქეთს პრემიერ-მინისტრის, აჰმედ დავუთოღლუს განცხადებით, თურქეთი არ აპირებს ლტოლვილებისთვის „ღია ციხედ“ იქცეს.