თბილისის საკრებულოსთან თორნიკე თოშხუა დააკავეს
თბილისის საკრებულოსთან აქტივისტი თორნიკე თოშხუა ისევ დააკავეს.
თოშხუა ადმინისტრაციული სამართალდარღვევათა კოდექსის 166-ე მუხლით არის დაკავებული, რაც წვრილმან ხულიგნობას გულისხმობს. გავრცელებული ცნობით, მას აქციაზე ბიძინა ივანიშვილის მიმართ შეურაცხმყოფელი ბანერი ეჭირა ხელში.
თოშხუა იმავე მიზეზით 26 ივლისსაც დააკავეს. მას სასამართლომ 6000 ლარიანი ჯარიმა შეუფარდა.
ფოტო: გიორგი მოსიაშვილი
