png.ge
png.ge
png.ge
16+
20 ნოემბერი, 2026, პარასკევი
png.ge
  • მთავარი
  • პოლიტიკა
  • ეკონომიკა
  • ბიზნესი
  • სამართალი
  • თავდაცვა
  • საზოგადოება
  • კულტურა
  • სპორტი
  • მეტი
    • მსოფლიო
    • კონფლიქტები
    • ეს საინტერესოა
    • მედიცინა
+16
20 ნოემბერი, 2026, პარასკევი
png.ge

„ოცნებამ“ ბრძოლა ვერ გააჩერა, დღეს ის უფრო სუსტია, ალიანსის შექმნა ბრძოლის ახალი ეტაპია და გამარჯვება რეალისტურად გამოიყურება - ელენე ხოშტარია

  • პოლიტიკა
  • 07.03.2026
  • 18:27
„ოცნებამ“ ბრძოლა ვერ გააჩერა, დღეს ის უფრო სუსტია, ალიანსის შექმნა ბრძოლის ახალი ეტაპია და გამარჯვება რეალისტურად გამოიყურება - ელენე ხოშტარია

„ოცნებამ“, ბრძოლა ვერ გააჩერა - ალიანსის შექმნა ბრძოლის ახალი ეტაპია,  - ამის შესახებ „დროას“ ლიდერი, პატიმრობაში მყოფი ელენე ხოშტარია აცხადებს გზავნილში, რომელიც „ოპოზიციის ალიანსაა“ და სამოქალაქო საზოგადოების შეხვედრაზე წაიკითხეს.

ხოშტარიას თქმით, ალიანსის განაცხადში ყველაზე მნიშვნელოვანი არის არა უბრალოდ ერთობის დეკლარირება, არამედ ბრძოლის სტრატეგიაზე, პასუხისმგებლობის აღება.

„პირველი და, ჩემი აზრით, ყველაზე მნიშვნელოვანი ალიანსის განაცხადში არის არა უბრალოდ ერთობის დეკლარირება, არამედ ბრძოლის სტრატეგიაზე, შესაბამისად, გამარჯვების გზაზე პასუხისმგებლობის აღება. არსებითად, სწორედ ამით არის ეს თანხმობა განსხვავებული და სწორედ ეს საფუძველია ბევრად უფრო მეტი, ვიდრე ურთიერთსიმპათია და საზეიმო ტორტებით გაფორმებული ერთობის დაპირება. მოქმედების ხედვა და ქცევის წესები - ორივე კონკრეტული და გაზომვადია და საზოგადოებასთან ანგარიშვალდებულების ძლიერ ინსტრუმენტს წარმოადგენს. პოლიტიკაში, დემოკრატიულ პროცესში ანგარიშვალდებულება ბევრად უფრო ეფექტური იარაღია, ვიდრე სიმპათია და ნდობა.

შესაბამისად, ერთ-ერთ მთავარ კითხვაზე, რომელიც ალბათ ბევრს გაუჩნდებოდა - რატომ უნდა ვენდოთ? - პასუხია: არ ენდოთ, მოთხოვეთ! აქვე მინდა პატარა განმარტება გავაკეთო პოლიტიკაში ნდობასთან მიმართებით, რადგან საზოგადოებასა და პოლიტიკოსებს შორის სიცხადე ურთიერთობის წესებთან დაკავშირებით მნიშვნელოვანია. ჩემი პირადი დამოკიდებულებით, ნდობა, როგორც ადამიანებს შორის კერძო ურთიერთობებში, ასევე პოლიტიკაშიც ყველაზე „მყარი ვალუტაა“. დროთა განმავლობაში ის ძალიან ბევრ სხვა რესურსს უკან ჩამოიტოვებს, მათ შორის მოკლევადიანად ძალიან მომხიბვლელ რესურსებს. ამასთანავე, ნდობა ვერასდროს იქნება პოლიტიკური ურთიერთობების ერთადერთი განმსაზღვრელი ინსტრუმენტი. სამწუხაროდ, ეს უკიდურესად საშიშია. აუცილებელია ამ ურთიერთობების დაზღვევა უფრო კონკრეტული, გაზომვადი ინსტრუმენტებით. სწორედ ამიტომ სახელმწიფოსა და ადამიანის ურთიერთობაში ბევრია ნაფიქრი ისეთ დამზღვევ მექანიზმებზე, როგორებიცაა: კონტროლი, შემოწმება და ანგარიშვალდებულება. სულ სხვანაირი იქნებოდა სამყარო, მმართველობაში ადამიანის არჩევისას ნდობა საკმარისი რესურსი რომ ყოფილიყო. შესაბამისად, ეს ალიანსი იძლევა კონტროლის და ანგარიშვალდებულების მნიშვნელოვან ინსტრუმენტს, რაც მას ბევრი სხვა ერთობისგან განასხვავებს. მაშ, რას მოითხოვს ჩვენგან ეგზისტენციალური კრიზისის ეს ეტაპი და რისი შესრულება იქნება გამარჯვების საწინდარი? დღევანდელი ვითარების აღწერისას ძალიან მოკლედ რამდენიმე შეფასება უნდა გაგიზიაროთ:

ჩვენმა თითქმის 500-დღიანმა ბრძოლამ გამარჯვება ჯერ ვერ მოგვიტანა, თუმცა, მიგვაღწევინა უმნიშვნელოვანეს მიზნამდე. „ოცნებამ“, უდიდესი ძალისხმევისა და საკუთარი დანაკარგების მიუხედავად, ბრძოლა ვერ გააჩერა.

ჩვენი დაზიანების მიუხედავად, ბრძოლა გრძელდება და კიდევ უფრო ზიანდება „ოცნება”. დღეს ის უფრო სუსტია, ვიდრე ბრძოლის დასაწყისში იყო. უფრო აგრესიული და, შესაბამისად, უფრო სუსტი.

ამგვარად, ალიანსის შექმნა მართლაც ბრძოლის ახალი ეტაპია და წარმატების პირობებში გამარჯვება აბსოლუტურად კონკრეტულად და რეალისტურად გამოიყურება. ალიანსი გამარჯვებისთვის - არა ლამაზი, სასურველი სიტყვები, არამედ გააზრებული გეგმაა”, - აცხადებს ხოშტარია.

გაზიარება:

ამავე კატეგორიაში

სარეკლამო სივრცე 300X200

მიმდინარე სიახლეები

მაშველები ნანგრევებში ეძებენ შვიდ მოქალაქეს, რომელთა შორის, სამი მცირეწლოვანია
  • 17:10
მაშველები ნანგრევებში ეძებენ შვიდ მოქალაქეს, რომელთა შორის, სამი მცირეწლოვანია
ღმერთო, დაგვიფარე ასეთი მეგობრებისგან - დონალდ ტუსკი ტრამპის მიერ პუტინის „მეგობრად“ მოხსენიებაზე
  • 16:59
ღმერთო, დაგვიფარე ასეთი მეგობრებისგან - დონალდ ტუსკი ტრამპის მიერ პუტინის „მეგობრად“ მოხსენიებაზე
ივანიშვილი, რომელმაც სამჯერ უკანონოდ ჩამსვა, რომ დაასანქცირონ, მიხარია კი არა, საერთოდ ჩაიტანოს დედამიწამ - ნიკა გვარამია
  • 16:57
ივანიშვილი, რომელმაც სამჯერ უკანონოდ ჩამსვა, რომ დაასანქცირონ, მიხარია კი არა, საერთოდ ჩაიტანოს დედამიწამ - ნიკა გვარამია
გაყიდვების რეკორდი საბურავებში - საავტომობილო პროდუქციის ფართო არჩევანი და ზამთრის შეთავაზებები „თეგეტა მოტორსში“
  • 12:43
გაყიდვების რეკორდი საბურავებში - საავტომობილო პროდუქციის ფართო არჩევანი და ზამთრის შეთავაზებები „თეგეტა მოტორსში“
„თეგეტა აკადემიის“ სავალი ნაწილის შეკეთების პროგრამა დასრულდა - კურსდამთავრებულების ნახევარზე მეტი „თეგეტაში“ დასაქმდება
  • 12:31
„თეგეტა აკადემიის“ სავალი ნაწილის შეკეთების პროგრამა დასრულდა - კურსდამთავრებულების ნახევარზე მეტი „თეგეტაში“ დასაქმდება
Tegeta App-ში მოგების დროა - ყოველი 50-ე ახალი მომხმარებელი საჩუქრად „გალფის“ ქულებს მიიღებს
  • 16:47
Tegeta App-ში მოგების დროა - ყოველი 50-ე ახალი მომხმარებელი საჩუქრად „გალფის“ ქულებს მიიღებს
კაცმა ცივი იარაღის გამოყენებით დედა დაჭრა - თელავში 1 პირი დააკავეს
  • 11:14
კაცმა ცივი იარაღის გამოყენებით დედა დაჭრა - თელავში 1 პირი დააკავეს
Geely Starship 7 და Toyota Corolla საქართველოს ბანკის ავტოპარკში - „თეგეტა“ ბანკს ფლიტმენეჯმენტის ფარგლებში სრულ მომსახურებას გაუწევს
  • 14:40
Geely Starship 7 და Toyota Corolla საქართველოს ბანკის ავტოპარკში - „თეგეტა“ ბანკს ფლიტმენეჯმენტის ფარგლებში სრულ მომსახურებას გაუწევს
ყველა სიახლე
სარეკლამო სივრცე 300X200
https://www.facebook.com/pages/Prime-News-Georgia/1630193507230649

© png.ge 2015-2026. ყველა უფლება დაცულია

  • info@png.ge