ერთი ტროლის გვერდზე შევედი, სადაც გამოფენილია ილიაუნის ლექტორთა პორტრეტები. ლევან ბერძენიშვილი, გია ნოდია, დავით დარჩიაშვილი, თამთა მიქელაძე, ვახუშტი მენაბდე და კიდევ სხვები, ყველას აღარ ჩამოვთვლი. კომენტარებში მიდის სხვა ტროლების და ტროლებთან გათნაბრებული ცალტვინების შაბაში, - ამის შესახებ პოლიტიკოსი დავით ზურაბიშვილი სოციალურ ქსელში წერს

"ერთი ტროლის გვერდზე შევედი, სადაც გამოფენილია ილიაუნის ლექტორთა პორტრეტები. ლევან ბერძენიშვილი, გია ნოდია, დავით დარჩიაშვილი, თამთა მიქელაძე, ვახუშტი მენაბდე და კიდევ სხვები, ყველას აღარ ჩამოვთვლი. კომენტარებში მიდის სხვა ტროლების და ტროლებთან გათნაბრებული ცალტვინების შაბაში: "უსამშობლოები", "მოღალატეები", "მიშას მონები", "აქამდეც უნდა მიეხურათ" და ა. შ. და ა. შ.

მოკლედ, სახელისუფლო პროპაგანდის ერთი რიგითი გვერდია, რომლის მსგავსი ვირტუალური მაკულატურა ოხრადაა მთელ ინტერნეტში, მაგრამ მე პირადად, რომ იტყვიან, მომცელა ერთმა კომენტარმა. აი, ასი წელი ვერ გამოიცნობთ ასეთი რამ თუ შეიძლება დაეწერა პროსახელისუფლებო ტროლს ამ პორტრეტების მისამართით.

"რუსეთის აგენტურა!!!"

არანაირი დიფსთეითი და გლობალური ომის პარტია. აი, ეგრე!

არა, რაც გინდა თქვი და არაა ეს ხალხი ჯანმრთელად, არა!" - წერს ზურაბიშვილი.