აშშ-ის სახელმწიფო მდივანმა, მარკო რუბიომ, განაცხადა, რომ მიუნხენის უსაფრთხოების კონფერენციაზე, რომელიც 13-15 თებერვალს გაიმართება, უკრაინის პრეზიდენტ ვოლოდიმირ ზელენსკისთან შეხვედრას გეგმავს. ამის შესახებ CNN იუწყება.

„ვფიქრობ, ის იქ იქნება და არსებობს შანსი, რომ ვნახო. ვფიქრობ, ეს ჩემს გრაფიკშია, თუმცა 100%-ით დარწმუნებული არ ვარ, მაგრამ დარწმუნებული ვარ, რომ შევხვდებით, “ - განაცხადა რუბიომ.

რუბიომ კომენტარი გააკეთა უკრაინაში რუსეთის მიერ განხორციელებულ დარტყმებზე, მათ „საშინელება“ უწოდა და ხაზი გაუსვა ომის სწრაფად დასრულების აუცილებლობას.

„ეს ომია. სწორედ ამიტომ გვინდა, რომ ომი დასრულდეს. ხალხი იტანჯება. ახლა წლის ყველაზე ცივი დროა. ამ ტანჯვის წარმოდგენაც კი შეუძლებელია. სწორედ ეს არის ომების პრობლემა. სწორედ ამიტომ არის ომები ცუდი და სწორედ ამიტომ ვმუშაობთ ასე გულმოდგინედ ერთ წელზე მეტია მათ დასასრულებლად,“ - განაცხადა რუბიომ.