png.ge
png.ge
png.ge
16+
20 ნოემბერი, 2026, პარასკევი
png.ge
  • მთავარი
  • პოლიტიკა
  • ეკონომიკა
  • ბიზნესი
  • სამართალი
  • თავდაცვა
  • საზოგადოება
  • კულტურა
  • სპორტი
  • მეტი
    • მსოფლიო
    • კონფლიქტები
    • ეს საინტერესოა
    • მედიცინა
+16
20 ნოემბერი, 2026, პარასკევი
png.ge

„ჯილი ცენტრი თეგეტამ“ წელიწად-ნახევარში 120-ზე მეტი Geely Coolray გაყიდა

  • ბიზნესი
  • 19.11.2025
  • 16:34
 „ჯილი ცენტრი თეგეტამ“ წელიწად-ნახევარში 120-ზე მეტი Geely Coolray გაყიდა

„ჯილი ცენტრი თეგეტამ“ საქართველოში წელიწად-ნახევრის განმავლობაში 120-ზე მეტი Geely Coolray გაყიდა. კომპაქტური ქროსოვერი, რომელიც ბაზარზე 2024 წლის დასაწყისში შემოვიდა, ერთ-ერთ ყველაზე სწრაფად გაყიდვად მოდელად იქცა და ამჟამად მარაგი პრაქტიკულად ამოწურულია. Geely Coolray-ს შეძენით არა მარტო საცალო მომხმარებელი, არამედ კორპორაციული სეგმენტიც დაინტერესდა - ბრენდი საქართველოში უკვე არაერთ კომპანიასთან თანამშრომლობს.

გიორგი შაქარაშვილი, „ჯილი ცენტრი თეგეტას“ კომერციული დირექტორი: „ეს არის ძალიან კარგი მაჩვენებელი იმ ფონზე, რომ „ჯილი ცენტრი თეგეტა“ 10-ზე მეტ სხვადასხვა მოდელს ყიდის, მათ შორის, ჰიბრიდებს, დამუხტვად ჰიბრიდებს, ელექტრომობილებსა და ბენზინის ძრავის მქონე ავტომობილებს. გასულ წლებში ჯერ კიდევ არსებობდა გარკვეული სტერეოტიპები ჩინურ ავტომობილებთან დაკავშირებით, თუმცა, როდესაც ერთი კონკრეტული მოდელის გაყიდვები ასეთ დროში 120+ ერთეულს აღწევს, ეს ნამდვილად შთამბეჭდავი მაჩვენებელი და დიდი წარმატებაა. ჩვენთვის განსაკუთრებით სასიხარულოა ისიც, რომ ჩვენს მომხმარებლებს შორის, საცალოსთან ერთად, კორპორაციული სეგმენტიც აქტიურობს“.

სწორედ Coolray იყო ერთ-ერთი პირველი მოდელი, რომლის გაყიდვებიც „ჯილის“ ბრენდის საქართველოს ბაზარზე შემოსვლისთანავე დაიწყო და „ჯილი ცენტრი თეგეტას“ ერთგვარ საიმიჯო მოდელად იქცა. მისი პოპულარობა კი მეტწილად იმან განაპირობა, რომ ავტომობილი ბიუჯეტური კლასისაა, თუმცა ავტომოყვარულებს ყველა იმ მახასიათებელს სთავაზობს, რომლებიც თანამედროვე ავტომობილებს უნდა ჰქონდეს.

Geely Coolray 1.5-ლიტრიანი ტურბო ბენზინის ძრავიანი კომპაქტური SUV-ია, რომელიც მაღალი დონის აღჭურვილობით გამოირჩევა: უსაფრთხოების სისტემები, ადაპტიური კრუიზ-კონტროლი, ავტოპარკინგი, ავტომატური დამუხრუჭება, პანორამული ჭერი, 360-გრადუსიანი კამერები, დისტანციური დაქოქვა და სხვა ფუნქციები, რომლებიც ამ საფასო კატეგორიაში აქამდე ბაზარზე არ არსებობდა. გარდა ამისა, ეს მოდელი ეკონომიურობითაც გამოირჩევა.

Coolray საქართველოს ბაზარზე ევროპული სპეციფიკაციით შემოვიდა, 4-წლიან ოფიციალურ გარანტიასა და ავტორიზებულ სერვისთან ერთად, რამაც მნიშვნელოვნად გაზარდა მომხმარებელთა ნდობა. ამ მოდელის პოპულარობა განაპირობა არა მხოლოდ ფასმა და აღჭურვილობამ, არამედ გამძლეობამაც - გაყიდულ ავტომობილებზე საგარანტიო შემთხვევები პრაქტიკულად არ დაფიქსირებულა, მიუხედავად იმისა, რომ ზოგიერთ ავტომობილს უკვე 70 000 კმ-ზე მეტი აქვს გავლილი.

ამჟამად „ჯილი ცენტრი თეგეტაში“ Coolray-ს მარაგი თითქმის სრულიად ამოწურულია. თუმცა ჩინური ბრენდის ოფიციალური წარმომადგენელი საქართველოში ამ სეგმენტში მომხმარებლისთვის სიახლის შეთავაზებას გეგმავს - ნოემბრის ბოლოს „ჯილი ცენტრი თეგეტას“ შოურუმში Coolray-ს მემკვიდრე - Geely Atlas Cool გამოჩნდება. ახალი მოდელი შოურუმში სხვადასხვა ფერითა და კომპლექტაციით იქნება წარმოდგენილი.

Atlas Cool Coolray-ს ზომის კომპაქტური ქროსოვერია, თუმცა კიდევ უფრო თანამედროვე და დახვეწილი დიზაინით, გაუმჯობესებული აეროდინამიკითა და ერგონომიკით, განახლებული ინტერიერითა და დამატებითი ფუნქციებით. ახალი მოდელის ფასი მისი წინამორბედის იდენტურ საფასო კატეგორიაში დარჩება. Atlas Cool განკუთვნილია ყველა ტიპის მომხმარებლისთვის, მათ შორის, როგორც ოჯახებისთვის, ისე კომპანიებისთვის.

Atlas Cool „ჯილი ცენტრი თეგეტას“ შოურუმში შეზღუდული რაოდენობით იქნება წარმოდგენილი და დაინტერესებული პირები ტესტ-დრაივის დაჯავშნას მიმდინარე თვის ბოლოდან შეძლებენ.

--

„თეგეტა ჰოლდინგის“ ერთ-ერთ მიმართულებაში, „თეგეტა ქარსში“ შემავალი კომპანია „ჯილი ცენტრი თეგეტა“ ქართულ ბაზარზე 2023 წლიდან ოპერირებს. ის ჩინური ავტოგიგანტის Geely Auto-ს ერთადერთი ავტორიზებული იმპორტიორია საქართველოში. კომპანია ქართველ მომხმარებელს, Geely Auto-ს ბრენდის ახალი ავტომობილების გარდა, ორიგინალ ნაწილებსა და საგარანტიო სერვისსაც სთავაზობს. Geely Auto-ს ავტომობილები გამოირჩევა გამძლეობით, უსაფრთხოების სისტემებით, თანამედროვე ტექნოლოგიების ინტეგრაციითა და ხელმისაწვდომი ფასებით.

გაზიარება:

ამავე კატეგორიაში

სარეკლამო სივრცე 300X200

მიმდინარე სიახლეები

მაშველები ნანგრევებში ეძებენ შვიდ მოქალაქეს, რომელთა შორის, სამი მცირეწლოვანია
  • 17:10
მაშველები ნანგრევებში ეძებენ შვიდ მოქალაქეს, რომელთა შორის, სამი მცირეწლოვანია
ღმერთო, დაგვიფარე ასეთი მეგობრებისგან - დონალდ ტუსკი ტრამპის მიერ პუტინის „მეგობრად“ მოხსენიებაზე
  • 16:59
ღმერთო, დაგვიფარე ასეთი მეგობრებისგან - დონალდ ტუსკი ტრამპის მიერ პუტინის „მეგობრად“ მოხსენიებაზე
ივანიშვილი, რომელმაც სამჯერ უკანონოდ ჩამსვა, რომ დაასანქცირონ, მიხარია კი არა, საერთოდ ჩაიტანოს დედამიწამ - ნიკა გვარამია
  • 16:57
ივანიშვილი, რომელმაც სამჯერ უკანონოდ ჩამსვა, რომ დაასანქცირონ, მიხარია კი არა, საერთოდ ჩაიტანოს დედამიწამ - ნიკა გვარამია
გაყიდვების რეკორდი საბურავებში - საავტომობილო პროდუქციის ფართო არჩევანი და ზამთრის შეთავაზებები „თეგეტა მოტორსში“
  • 12:43
გაყიდვების რეკორდი საბურავებში - საავტომობილო პროდუქციის ფართო არჩევანი და ზამთრის შეთავაზებები „თეგეტა მოტორსში“
„თეგეტა აკადემიის“ სავალი ნაწილის შეკეთების პროგრამა დასრულდა - კურსდამთავრებულების ნახევარზე მეტი „თეგეტაში“ დასაქმდება
  • 12:31
„თეგეტა აკადემიის“ სავალი ნაწილის შეკეთების პროგრამა დასრულდა - კურსდამთავრებულების ნახევარზე მეტი „თეგეტაში“ დასაქმდება
Tegeta App-ში მოგების დროა - ყოველი 50-ე ახალი მომხმარებელი საჩუქრად „გალფის“ ქულებს მიიღებს
  • 16:47
Tegeta App-ში მოგების დროა - ყოველი 50-ე ახალი მომხმარებელი საჩუქრად „გალფის“ ქულებს მიიღებს
კაცმა ცივი იარაღის გამოყენებით დედა დაჭრა - თელავში 1 პირი დააკავეს
  • 11:14
კაცმა ცივი იარაღის გამოყენებით დედა დაჭრა - თელავში 1 პირი დააკავეს
Geely Starship 7 და Toyota Corolla საქართველოს ბანკის ავტოპარკში - „თეგეტა“ ბანკს ფლიტმენეჯმენტის ფარგლებში სრულ მომსახურებას გაუწევს
  • 14:40
Geely Starship 7 და Toyota Corolla საქართველოს ბანკის ავტოპარკში - „თეგეტა“ ბანკს ფლიტმენეჯმენტის ფარგლებში სრულ მომსახურებას გაუწევს
ყველა სიახლე
სარეკლამო სივრცე 300X200
https://www.facebook.com/pages/Prime-News-Georgia/1630193507230649

© png.ge 2015-2026. ყველა უფლება დაცულია

  • info@png.ge