31 ოქტომბრის ღამეს, უკრაინულმა დრონებმა მასშტაბური იერიში მიიტანეს რუსეთის ენერგოობიექტებზე.

სოციალურ ქსელებში გავრცელებული ინფორმაციით, რომელიც მოგვიანებით რუსთის თავდაცვის სამინისტროს განცხადებითაც დადასტურდა, უპილოტო საფრენი აპარატებით შეტევა განხორციელდა რუსეთის ორიოლის, ვლადიმირისა და იაროსლალვის ოლქებში.

ორიოლოს ოლქის გუბერნატორის განცხადებით, უკრაინული დრონები მოიგერია რუსეთის საჰაერო თავდაცვამ, რის შედეგადაც დრონის ნამსხვრევები ჩამოცვივდა ქალაქ ორიოლოს თბოელექტროსაგურის ტერიტორიაზე, რამაც მომარაგების დანადგარი დააზიანა. მისივე თქმით, საჭირო გახდა ელექტროენერგიის მისაწოდებლად სარეზერვო ხაზების ამოქმედება.

მოგვიანებით, ვლადიმირ ოლქის გუბერნატორმა გაავრცელა ინფორმაცია ქალაქ ვლადიმირის მახლობლად ინფრასტრუქტურულ ობიექტზე შეტევის შესახებ. ტელეგრამ არხების ინფორმაციით, სოციალურ ქსელებში გამოქვეყნებული ფოტო-ვიდეო მასალა ადასტურებს, რომ შეტევა განხორციელდა ვლადიმირის ელექტროსადგურზე, რომელიც რუსეთის ენერგეტიკული ინფრასტრუქტურის მნიშვნელოვანი ცენტრი.

იუწყებიან ასევე იაროსლავლის ოლქში, ნოვო-იაროსლალვის ნავთობგადამამუშავებელ ქარხანაზე შეტევის შესახებ. ეს ქარხანა რუსეთის ჩრდილოეთით ყველაზე დიდი ნავთობის საწარმოა.

რუსეთის თავდაცვის სამინისტროს მტკიცებით, 30 ოქტომბრის 11 საათიდან 31 ოქტომბრის დილის 8 საათამდე, 130 უკრაინული დრონი გაანადგურეს.