ბალტიისპირეთის ქვეყნების მიერ დაწესებული სანქციები საქართველოს მიმართ პროქსიომის გამოხატულებაა. ეს არის ქვეყნის წინააღმდეგ ჰიბრიდული ომი, – ამის შესახებ პარლამენტის თვითმმართველობის კომიტეტის თავმჯდომარე ირაკლი ქადაგიშვილმა განაცხადა.

ქადაგიშვილის თქმით, ამ სანქციების უკან რეალობა არ დგას.

„მათ მიერ ესკალაციებს ვხედავთ, რის საფუძველზეც ცდილობენ საქართველოს წინააღმდეგ ასეთი ქმედებების განხორციელებას. ეს არ არის მხოლოდ ესტონეთი. ის ამ შემთხვევაში ჩვეულებრივი იარაღია, რომელსაც საკუთარი პოლიტიკური ნება არ აქვს“, – განაცხადა ქადაგიშვილმა.

შეგახსენებთ, ლიეტუვამ, ლატვიამ და ესტონეთმა ქართველ თანამდებობის პირებს, აგრეთვე „ალტ-ინფოს“ წარმომადგენლებს ქვეყანაში შესვლა აუკრძალეს.