პრეზიდენტმა ვოლოდიმირ ზელენსკიმ ხელი მოაწერა განკარგულებას, რომლის თანახმად სანქციები უწესდებათ საქართველოს ხელისუფლების წარმომადგენლებს, კერძოდ, „ქართული ოცნების“ საპატიო თავმჯდომარეს ბიძინა ივანიშვილს და მისი გუნდის 19 წევრს.

ამის შესახებ ზელენსკიმ ვოდეომიმართვაში განაცხადა.

"ახლახანს ხელი მოვაწერე განკარგულებას, რომელიც აძლევს იურიდიულ ძალას უსაფრთხოების სამსახურის გადაწყვეტილებას სანქციებთან დაკავშირებით. სანქციები საქართველოს ხელისუფლების იმ წარმომადგენელთა წინააღმდეგ, რომლებიც ქვეყანას პუტინს უთმობენ. რის გამოც ახლა საქართველოში არის საპროტესტო გამოსვლები. მნიშვნელოვანია, რომ პარტნიორებმაც ახლა საკუთარი პოზიცია მკაფიოდ გააჟღერონ მიმდინარე მოვლენებზე. არ შეიძლება ამ რეგიონში არავის დაკარგვა. არც საქართველოსი, არც უკრაინის არც მოლდოვასი. ერთად უნდა დავიცვათ თავი რუსეთისგან. უკრაინამ დაუწესა სანქციები ბიძინა ივანიშვილისა და მისი 19 თანამოაზრის წინააღმდეგ, რომლებიც ყიდიან საქართველოს ინტერესებს და მოქალაქეებს. მოვუწოდებთ ევროპას, ამერიკას და მთელ მსოფლიოს ასე მოიქცნენ და იმოქმედონ პრინციპულად." ამბობს ვოლოდიმირ ზელენსკი", - განაცხადა ზელენსკიმ.

სანქციების მომზადების შესახებ ზელენსკიმ გუშინ, 4 დეკემბერს განაცხადა.

სანქცირებულთა სიაში არიან:

• ბიძინა ივანიშვილი
• ირაკლი კობახიძე
• გრიგოლ ლილუაშვილი
• კახა კალაძე
• მიხეილ ჩინჩალაძე
• მამუკა მდინარაძე
• ვახტანგ გომელაური
• ოთარ ფარცხალაძე
• ირაკლი რუხაძე
• ლევან მურუსიძე
• ვიქტორ ჯაფარიძე
• დიმიტრი სამხარაძე
• გიორგი (გოგა) ხაინდრავა
• გიორგი კობახიძე
• ზვიად შალამბერიძე
• შალვა თადუმაძე
• თეა წულუკიანი
• ირაკლი ქარსელაძე
• კახა ბექაური