png.ge
png.ge
png.ge
16+
20 ნოემბერი, 2026, პარასკევი
png.ge
  • მთავარი
  • პოლიტიკა
  • ეკონომიკა
  • ბიზნესი
  • სამართალი
  • თავდაცვა
  • საზოგადოება
  • კულტურა
  • სპორტი
  • მეტი
    • მსოფლიო
    • კონფლიქტები
    • ეს საინტერესოა
    • მედიცინა
+16
20 ნოემბერი, 2026, პარასკევი
png.ge

Volvo EX90-ის მძღოლის მდგომარეობის გაგების სისტემა 2024 წლის საუკეთესო გამოგონებად აღიარეს

  • ბიზნესი
  • 20.11.2024
  • 14:55
Volvo EX90-ის მძღოლის მდგომარეობის გაგების სისტემა 2024 წლის საუკეთესო გამოგონებად აღიარეს

ჟურნალმა TIME-მა საუკეთესო გამოგონებების ყოველწლიური სია გამოაქვეყნა, რომელიც სხვადასხვა დარგში ისეთ მნიშვნელოვან ინოვაციურ გამოგონებებს აერთიანებს, რომლებსაც შეუძლია მნიშვნელოვნად შეცვალოს ადამიანის ცხოვრება. 2024 წლის სიაში ნომინაცია „ავტომობილში“ Volvo EX90 SUV-ში მძღოლის მდგომარეობის გაგების სისტემამ გაიმარჯვა.

მძღოლის მდგომარეობის გაგების სისტემა EX90-ში ნოვატორული, უსაფრთხოების სრულიად ახალი ფუნქციაა, რომელიც სენსორული ანალიზის ტექნოლოგიით რეალურ დროში ადგენს - გაუარესდა თუ არა მძღოლის მდგომარეობა, არის თუ არა მძღოლი დაღლილი, ან გაეფანტა თუ არა მას ყურადღება. ეს კეთდება იმ მიზნით, რომ ავტომანქანამ საჭიროებისამებრ აღმოუჩინოს მას შესაბამისი დახმარება.

ზოგიერთ შემთხვევაში EX90 მძღოლს თავიდან მსუბუქი ბიძგით გააფრთხილებს, რასაც მოჰყვება უფრო აქტიური შეტყობინებები, თუ საწყის ბიძგს არ ექნება სასურველი შედეგი. გაუთვალისწინებელი გარემოებების შემთხვევაში - მაგალითად, თუ მძღოლს ჩაეძინა, EX90-ს შეუძლია უსაფრთხოდ გააჩეროს მანქანა და ავარიული შუქების საშუალებით გააფრთხილოს გზით სხვა მოსარგებლეები.   

მძღოლების მდგომარეობის გაგების სისტემა Volvo-ს ახალი, სრულად ელექტრული EX90-ის სტანდარტული კომპლექტაციის ნაწილია.

ჯიმ როუენი, Volvo Cars-ის აღმასრულებელი დირექტორი: „Volvo Cars-ისთვის ეს აღიარება ძალიან მნიშვნელოვანი და სასიხარულოა. VolVo-ს მთელი ისტორიის განმავლობაში EX90 ყველაზე უსაფრთხო ავტომობილია. თითოეული ჩვენი მოდელი შემუშავებულია Volvo-ს მოწინავე უსაფრთხოების სტანდარტების შესაბამისად, თუმცა ჩვენ მუდმივად ვაგრძელებთ უსაფრთხოების ტექნოლოგიების გაუმჯობესებაზე მუშაობას.

მძღოლის მდგომარეობის გაგების სისტემა EX90-ში  ჩვენი ერთ-ერთი უახლესი გამოგონებაა უსაფრთხოების სფეროში, რაც პირდაპირი შედეგია იმ ცოდნისა, რომელიც რეალურ პირობებში 50 წელზე მეტი ხნის კვლევის შედეგად შევიძინეთ. ჩვენი ცოდნა და გამოცდილება იმის შესახებ, თუ როგორ ურთიერთობენ მძღოლები საკუთარ ავტომანქანებთან, გვეხმარება, აღმოფხვრათ ის დაბრკოლებები, რომლებიც ხელს გვიშლის ჩვენი საბოლოო მიზნის - ნულოვანი შეჯახების მიღწევაში. ამ გზაზე EX90 Volvo Cars-ის უსაფრთხოების ახალი ეპოქაა. ჩვენი მთლიანად ელექტრული ლეგენდარული SUV შექმნილია იმისათვის, რომ დაიცვას ადამიანები და მათი სიცოცხლე, ხოლო მათი ყოველდღიური მოგზაურობა უფრო ადვილი და სასიამოვნო გახადოს. დროთა განმავლობაში ის კიდევ უფრო გაუმჯობესდება და დაიხვეწება, რადგან რეალურ დროში მიღებული მონაცემები ამის საშუალებას იძლევა“.

„ვოლვო ქარსი“ მსოფლიოში ერთ-ერთი ყველაზე უსაფრთხო ავტომობილების მწარმოებელი ბრენდია. მას არაერთი მნიშვნელოვანი გამოგონება უკავშირდება, მათ შორის უსაფრთხოების სამწერტილოვანი ღვედი, რომელიც ვოლვოს ინჟინერმა 1959 წელს შექმნა და მისი პატენტი მსოფლიოს უსასყიდლოდ გადასცა, რამაც დღემდე მილიონობით სიცოცხლე გადაარჩინა. ამის შემდეგ იყო მოძრაობის საწინააღმდეგო მიმართულების ბავშვის სავარძელი, რომლის სწორად დამონტაჟების შემთხვევაშიც მცირეწლოვანი ავარიისას ბევრად უფრო დაცულია.

--

შვედურ ბრენდს საქართველოში თეგეტა ჰოლდინგის ერთ-ერთ მიმართულებაში, თეგეტა ქარსში შემავალი კომპანია ვოლვო ქარ საქართველო  წარმოადგენს. კომპანია 2019 წლიდან  პრემიუმ კლასის ავტომობილების ოფიციალური იმპორტიორია და მომხმარებელს SUV-ებს, სედანებსა და უნივერსალებს სთავაზობს, მათ შორის არის როგორც დამუხტვადი ჰიბრიდები, ისე შიგაწვის ძრავიანი უახლესი მოდელები.

გაზიარება:

ამავე კატეგორიაში

სარეკლამო სივრცე 300X200

მიმდინარე სიახლეები

მაშველები ნანგრევებში ეძებენ შვიდ მოქალაქეს, რომელთა შორის, სამი მცირეწლოვანია
  • 17:10
მაშველები ნანგრევებში ეძებენ შვიდ მოქალაქეს, რომელთა შორის, სამი მცირეწლოვანია
ღმერთო, დაგვიფარე ასეთი მეგობრებისგან - დონალდ ტუსკი ტრამპის მიერ პუტინის „მეგობრად“ მოხსენიებაზე
  • 16:59
ღმერთო, დაგვიფარე ასეთი მეგობრებისგან - დონალდ ტუსკი ტრამპის მიერ პუტინის „მეგობრად“ მოხსენიებაზე
ივანიშვილი, რომელმაც სამჯერ უკანონოდ ჩამსვა, რომ დაასანქცირონ, მიხარია კი არა, საერთოდ ჩაიტანოს დედამიწამ - ნიკა გვარამია
  • 16:57
ივანიშვილი, რომელმაც სამჯერ უკანონოდ ჩამსვა, რომ დაასანქცირონ, მიხარია კი არა, საერთოდ ჩაიტანოს დედამიწამ - ნიკა გვარამია
გაყიდვების რეკორდი საბურავებში - საავტომობილო პროდუქციის ფართო არჩევანი და ზამთრის შეთავაზებები „თეგეტა მოტორსში“
  • 12:43
გაყიდვების რეკორდი საბურავებში - საავტომობილო პროდუქციის ფართო არჩევანი და ზამთრის შეთავაზებები „თეგეტა მოტორსში“
„თეგეტა აკადემიის“ სავალი ნაწილის შეკეთების პროგრამა დასრულდა - კურსდამთავრებულების ნახევარზე მეტი „თეგეტაში“ დასაქმდება
  • 12:31
„თეგეტა აკადემიის“ სავალი ნაწილის შეკეთების პროგრამა დასრულდა - კურსდამთავრებულების ნახევარზე მეტი „თეგეტაში“ დასაქმდება
Tegeta App-ში მოგების დროა - ყოველი 50-ე ახალი მომხმარებელი საჩუქრად „გალფის“ ქულებს მიიღებს
  • 16:47
Tegeta App-ში მოგების დროა - ყოველი 50-ე ახალი მომხმარებელი საჩუქრად „გალფის“ ქულებს მიიღებს
კაცმა ცივი იარაღის გამოყენებით დედა დაჭრა - თელავში 1 პირი დააკავეს
  • 11:14
კაცმა ცივი იარაღის გამოყენებით დედა დაჭრა - თელავში 1 პირი დააკავეს
Geely Starship 7 და Toyota Corolla საქართველოს ბანკის ავტოპარკში - „თეგეტა“ ბანკს ფლიტმენეჯმენტის ფარგლებში სრულ მომსახურებას გაუწევს
  • 14:40
Geely Starship 7 და Toyota Corolla საქართველოს ბანკის ავტოპარკში - „თეგეტა“ ბანკს ფლიტმენეჯმენტის ფარგლებში სრულ მომსახურებას გაუწევს
ყველა სიახლე
სარეკლამო სივრცე 300X200
https://www.facebook.com/pages/Prime-News-Georgia/1630193507230649

© png.ge 2015-2026. ყველა უფლება დაცულია

  • info@png.ge