png.ge
png.ge
png.ge
16+
20 ნოემბერი, 2026, პარასკევი
png.ge
  • მთავარი
  • პოლიტიკა
  • ეკონომიკა
  • ბიზნესი
  • სამართალი
  • თავდაცვა
  • საზოგადოება
  • კულტურა
  • სპორტი
  • მეტი
    • მსოფლიო
    • კონფლიქტები
    • ეს საინტერესოა
    • მედიცინა
+16
20 ნოემბერი, 2026, პარასკევი
png.ge

თუ ავტომობილი გიყვარს, მის მოვლასაც ხელოვნებად აღიქვამ - "თეგეტა მოტორსის" საზაფხულო კამპანია

  • ბიზნესი
  • 03.09.2024
  • 14:02
 თუ ავტომობილი გიყვარს, მის მოვლასაც ხელოვნებად აღიქვამ - "თეგეტა მოტორსის" საზაფხულო კამპანია

"ავტომობილის მოვლის ხელოვნება" - ვისაც ეს სიტყვათა შეთანხმება ეუცხოება, ლევან ზენაიშვილისა და Toyota Corolla-ს 32-წლიანი მეგობრობის ისტორიას უნდა გაეცნოს. ან გაგა კოხრეიძეს ჰკითხოს, საკუთარი ხელით რომ უვლის საკოლექციო, უკვე ვინტაჟურ ავტომობილებს. გამონაკლისი არც "თეგეტას" მექანიკოსი და ავტომრბოლელი ლიკა მაისურაძეა, მანქანების სიყვარული პროფესიად რომ აქცია და სამუშაოდაც ის ადგილი იპოვა, სადაც მიაჩნიათ, რომ ავტომობილის მოვლა შეიძლება ხელოვნებას უტოლდებოდეს. ვინც "თეგეტა მოტორსის" საზაფხულო კამპანიას თვალს ადევნებდა, ამ ადამიანებსაც ადვილად ამოიცნობს. კომპანიამ, რომელიც უკვე თითქმის 30 წელია, მომხმარებელს სრულ საავტომობილო მომსახურებას სთავაზობს, სეზონური მესიჯების გასახმოვანებლად ამჯერადაც შემოქმედებითი გადაწყვეტა აირჩია.

ვახტანგ მძინარაშვილი, "თეგეტა მოტორსის" საავტომობილო პროდუქტებისა და სერვისების მიმართულების მარკეტინგის ხელმძღვანელი: "ავტომობილის სეზონურად მომზადება იმ კულტურული პროცესის ნაწილია, რომლის დანერგვასაც „თეგეტა მოტორსი“ დიდი ხანია ხელს უწყობს და სხვადასხვა აქტივობითა თუ კამპანიით ახალისებს. ამჯერადაც, საზაფხულო კამპანიის ფარგლებში, გვინდოდა, კიდევ ერთხელ შეგვეხსენებინა როგორც ჩვენი მომხმარებლებისთვის, ისე, ზოგადად, ავტომფლობელებისათვის, რომ მანქანის პერიოდული შემოწმება, განსაკუთრებით შორ მანძილზე მოგზაურობის წინ, ძალიან მნიშვნელოვანია და მთავარს - ჩვენი და ჩვენი გარშემომყოფების სიცოცხლესა და უსაფრთხოებას უკავშირდება.

საბოლოოდ, ჩვენი მთავარი მიზანია, ეს გზავნილები და მოწოდებები ჩვენი თანამოქალაქეების ქცევაში გადაიზარდოს. წლებია „თეგეტა მოტორსი“ ამ საქმეს ემსახურება და დანამდვილებით შეგვიძლია ვთქვათ, რომ ბოლო პერიოდის განმავლობაში პროგრესი ამ მიმართულებით აშკარაა".

კამპანიის ფარგლებში შეიქმნა ვიდეორგოლი, რომელიც გვიჩვენებს, რომ მოგზაურობის ხელოვნებაც შეიძლება სწორედ ავტომობილის მოვლით იწყებოდეს. ვიდეოკადრები ასახავს იმ შთამბეჭდავ მომენტებს, გამართული ავტომობილით მოგზაურობისას რომ ჩნდება.

"თეგეტა მოტორსის" ზაფხულის კამპანიამ პერსონალური ისტორიებიც გააერთიანა.

მომზადდა პოსტერების სერიაც. ფოკუსში ის საავტომობილო პროდუქტები მოექცა, რომელთა გამართულობის შემთხვევაშიც მოგზაურობა უსაფრთხო თავგადასავლად იქცევა. ესენია საბურავი, აკუმულატორი, სამუხრუჭე ხუნდები და ძრავის ზეთი. პოსტერებს მცირე განმარტებებიც დაერთო, იმის შესახებ, თუ რატომ არის აუცილებელი კონკრეტულ საავტომობილო ნაწილებზე ყურადღების გამახვილება და რა გავლენას ახდენს მათზე ტემპერატურის მატება. ამის პარალელურად, მთელი კამპანიის ფარგლებში „თეგეტა მოტორსის“ მომხმარებლები სავალი ნაწილის უფასო შემოწმებით სარგებლობდნენ.

ავტოინდუსტრიისა და ხელოვნების სინთეზის პირველი მცდელობა "თეგეტა მოტორსის" გაზაფხულის კამპანია იყო, სადაც ავტომობილის მოვლის ხელოვნებაზე მოძრავი პოსტერები გაკეთდა. ლოგიკური გაგრძელება უკვე ცხელ სეზონზე, ზაფხულში მოჰყვა. უცვლელი კონცეფციით, რომ ავტომობილის მოვლა ხელოვნებაა.

ცხელ სეზონთან ერთად, "თეგეტა მოტორსის" საზაფხულო კამპანიაც დასრულებულია. წინ ახალი, გარდამავალი სეზონია, რაც საყვარელ ავტომობილთან ერთად მოგზაურობაზე უარის თქმას სულაც არ ნიშნავს. მთავარი დამოკიდებულებაა - შეხედავ ყოველდღიურობას, როგორც რუტინას, თუ საზრუნავსა და საქმიანობას თავგადასავლად აქცევ.

თეგეტა მოტორსის შესახებ: თეგეტა ჰოლდინგში შემავალი კომპანია თეგეტა მოტორსი 1995 წლიდან ოპერირებს ბაზარზე მსუბუქი, სატვირთო და სპეციალური დანიშნულების სერვისის მიმართულებით. ავტოინდუსტრიის ლიდერი კომპანია მომხმარებელს ავტომომსახურების სრულ სპექტრს სთავაზობს, როგორც მსუბუქი და სატვირთო ავტომობილების, ისე ავტობუსებისა და მიკროავტობუსების, ასევე სპეციალური დანიშნულების ტექნიკის მიმართულებით. კომპანიას მთელი ქვეყნის მასშტაბით 28 ფილიალი აქვს, რომლებიც 500 000-მდე საცალო და 35 000-მდე კორპორაციულ მომხმარებელს ემსახურება. თეგეტა მოტორსი 300-მდე მსოფლიო ბრენდის წარმომადგენელია საქართველოში, მათ შორის არის Bridgestone, Michelin, Varta, Shell, Motul, Hengst და სხვა.

გაზიარება:

ამავე კატეგორიაში

სარეკლამო სივრცე 300X200

მიმდინარე სიახლეები

მაშველები ნანგრევებში ეძებენ შვიდ მოქალაქეს, რომელთა შორის, სამი მცირეწლოვანია
  • 17:10
მაშველები ნანგრევებში ეძებენ შვიდ მოქალაქეს, რომელთა შორის, სამი მცირეწლოვანია
ღმერთო, დაგვიფარე ასეთი მეგობრებისგან - დონალდ ტუსკი ტრამპის მიერ პუტინის „მეგობრად“ მოხსენიებაზე
  • 16:59
ღმერთო, დაგვიფარე ასეთი მეგობრებისგან - დონალდ ტუსკი ტრამპის მიერ პუტინის „მეგობრად“ მოხსენიებაზე
ივანიშვილი, რომელმაც სამჯერ უკანონოდ ჩამსვა, რომ დაასანქცირონ, მიხარია კი არა, საერთოდ ჩაიტანოს დედამიწამ - ნიკა გვარამია
  • 16:57
ივანიშვილი, რომელმაც სამჯერ უკანონოდ ჩამსვა, რომ დაასანქცირონ, მიხარია კი არა, საერთოდ ჩაიტანოს დედამიწამ - ნიკა გვარამია
გაყიდვების რეკორდი საბურავებში - საავტომობილო პროდუქციის ფართო არჩევანი და ზამთრის შეთავაზებები „თეგეტა მოტორსში“
  • 12:43
გაყიდვების რეკორდი საბურავებში - საავტომობილო პროდუქციის ფართო არჩევანი და ზამთრის შეთავაზებები „თეგეტა მოტორსში“
„თეგეტა აკადემიის“ სავალი ნაწილის შეკეთების პროგრამა დასრულდა - კურსდამთავრებულების ნახევარზე მეტი „თეგეტაში“ დასაქმდება
  • 12:31
„თეგეტა აკადემიის“ სავალი ნაწილის შეკეთების პროგრამა დასრულდა - კურსდამთავრებულების ნახევარზე მეტი „თეგეტაში“ დასაქმდება
Tegeta App-ში მოგების დროა - ყოველი 50-ე ახალი მომხმარებელი საჩუქრად „გალფის“ ქულებს მიიღებს
  • 16:47
Tegeta App-ში მოგების დროა - ყოველი 50-ე ახალი მომხმარებელი საჩუქრად „გალფის“ ქულებს მიიღებს
კაცმა ცივი იარაღის გამოყენებით დედა დაჭრა - თელავში 1 პირი დააკავეს
  • 11:14
კაცმა ცივი იარაღის გამოყენებით დედა დაჭრა - თელავში 1 პირი დააკავეს
Geely Starship 7 და Toyota Corolla საქართველოს ბანკის ავტოპარკში - „თეგეტა“ ბანკს ფლიტმენეჯმენტის ფარგლებში სრულ მომსახურებას გაუწევს
  • 14:40
Geely Starship 7 და Toyota Corolla საქართველოს ბანკის ავტოპარკში - „თეგეტა“ ბანკს ფლიტმენეჯმენტის ფარგლებში სრულ მომსახურებას გაუწევს
ყველა სიახლე
სარეკლამო სივრცე 300X200
https://www.facebook.com/pages/Prime-News-Georgia/1630193507230649

© png.ge 2015-2026. ყველა უფლება დაცულია

  • info@png.ge