შეერთებულმა შტატებმა საპასუხო დარტყმები განახორციელა აღმოსავლეთ სირიაში ირანის ორ ობიექტზე. ამის შესახებ აშშ-ის ტავდაცვის მდივანმა ლოიდ ოსტინმა განაცხადა.

„პრეზიდენტ ბაიდენის მითითებით, აშშ-ის ძალებმა განახორციელეს  დარტყმები აღმოსავლეთ სირიის ორ ობიექტზე, რომელსაც იყენებდნენ ირანის ისლამური რევოლუციის გვარდიის კორპუსი (IRGC) და მასთან დაკავშირებული ჯგუფები“, - განაცხადა პსტინმა.

ოსტინმა აღნიშნა, რომ აშშ-მა დარტყები განახორციელა

ერაყსა და სირიაში ირანის მიერ მხარდაჭერილი დაჯგუფებრბის მიერ აშშ-ის ბაზებზე წარუმატებელი თავდასხმების საპასუხოდ, რომელიც 17 ოქტომბერს დაიწყო.

”აშშ-ის არ აქვს განზრახვა ჩაერთოს შემდგომ საომარ მოქმედებებში, მაგრამ ამერიკულ ძალებზე ირანის მიერ მხარდაჭერილი თავდასხმები  მიუღებელია და უნდა შეწყდეს,” - განაცხადა ოსტინმა.

მისი თქმით, „ირანს სურს უარყოს თავისი კავშირი ჩვენს ძალებზე განხორციელებულ თავდასხმებთან, რის უფლებასაც მათ აშშ არ მისცემს.

"ჩვენ არ მივცემთ მათ ამის საშუალებას. თუ ირანის მარიონეტების თავდასხმები ამერიკულ ძალებზე გაგრძელდება, მივიღებთ შემდგომ საჭირო ზომებს ჩვენი ხალხის დასაცავად", - თქვა ოსტინმა.

პენტაგონის სპიკერის, პატრიკ რაიდერის განცხადებით, 17-დან 26 ოქტომბრამდე აშშ-სა და კოალიციის ძალებს უპილოტო საფრენი აპარატებით და რაკეტებით სულ მცირე 12-ჯერ დაესხნენ თავს ერაყში და ოთხჯერ სირიაში.