png.ge
png.ge
png.ge
16+
20 ნოემბერი, 2026, პარასკევი
png.ge
  • მთავარი
  • პოლიტიკა
  • ეკონომიკა
  • ბიზნესი
  • სამართალი
  • თავდაცვა
  • საზოგადოება
  • კულტურა
  • სპორტი
  • მეტი
    • მსოფლიო
    • კონფლიქტები
    • ეს საინტერესოა
    • მედიცინა
+16
20 ნოემბერი, 2026, პარასკევი
png.ge

საქართველოში დანიის სამეფოს შიდა გვარდიის დელეგაცია იმყოფება

  • თავდაცვა
  • 11.03.2016
  • 14:37
 საქართველოში დანიის სამეფოს შიდა გვარდიის დელეგაცია იმყოფება

საქართველოში სამდღიანი ოფიციალური ვიზიტით დანიის სამეფოს შიდა გვარდიის დელეგაცია, გენერალ-მაიორ ფინ ვინკლერის მეთაურობით იმყოფება. დღეს დანიელი სტუმრები საქართველოს შეიარაღებული ძალების გენერალური შტაბის უფროსმა, გენერალ-მაიორმა ვახტანგ კაპანაძემ მიიღო.

უწყების ინფორმაციით, მხარეებმა საქართველოსა და დანიის სამეფოს გვარდიებს შორის არსებული თანამშრომლობის საკითხები და ურთიერთობის სამომავლო პერსპექტივები განიხილეს. საუბარი შეეხო რეზერვის განვითარების გეგმასა და ბაზალეთში ეროვნული გვარდიის სკოლის დაარსების საკითხებს. სკოლა დანიის შიდა გვარდიის ფინანსური დახმარებით დაარსდა და რეზერვის შემადგენლობიდან უმცროსი ოფიცრებისა და სპეციალისტების სხვადასხვა მიმართულებით მომზადებას ისახავს მიზნად. სკოლას პატრონაჟს გაუწევენ დანიის შიდა გვარდია და ესტონეთის თავდაცვის ლიგა.

გენერალურ შტაბში სტუმრობამდე დანიელი გენერალი საქართველოს ეროვნული გვარდიის უფროსს, ბრიგადის გენერალ ლევან გამყრელიძეს შეხვდა. მხარეებმა ეროვნული გვარდიის სკოლის ქართული მხარისთვის გადმოცემის დოკუმენტს მოაწერეს ხელი.

„დანიის შიდა გვარდიის დელეგაციის სტუმრობა ჩვენთვის ძალიან მნიშვნელოვანია. დღეს დანიელი სტუმრები გაეცნობიან ჩვენ მიღწევებსა და წარმატებებს იმ სასწავლო სკოლის მიმართულებით, რომელიც კრწანისში გაგვაჩნია, ხოლო ხვალ ერთად გავემგზავრებით და ვნახავთ ბაზალეთზე გვარდიის მომზადების ცენტრს. დარწმუნებული ვარ, რომ ის მეგობრობა, ურთიერთდახმარება, რაც მათგან არის, კიდევ უფრო გაიზრდება, გაღრმავდება. შეხვედრაზე მათ კიდევ ერთხელ აღნიშნეს, რომ 2017 წლიდან კიდევ უფრო გაიზრდება მსგავსი დახმარებები. განაწესი უკვე მათი შეიარაღებული ძალების პარტნიორულ გეგმებშია ჩასმული. ასე რომ, ძალიან დიდი იმედები გვაქვს, რომ ჩვენი ურთიერთქმედება, ურთიერთდახმარება, განსაკუთრებით ეროვნული გვარდიისა და სამობილიზაციო სისტემის განვითარებასთან დაკავშირებით, კიდევ უფრო გაიზრდება და გაღრმავდება,” - აღნიშნა გენერალ-მაიორმა ვახტანგ კაპანაძემ შეხვედრის დასრულების შემდეგ.

ქართველ გენერლებთან შეხვედრები დანიის სამეფოს შიდა გვარდიის მეთაურმა, გენერალ-მაიორმა ფინ ვინკლერმა შეაჯამა: „პატივი გვქონდა საქართველოს ეროვნული გვარდიის სარდალს შევხვედროდით. ჩვენ მიმდინარე წლის თანამშრომლობის გეგმა განვიხილეთ. გენერალური შტაბის უფროსთან შეხვედრაზე ასევე ვისაუბრეთ დანიის სამეფოსა და საქართველოს შორის არსებულ თანამშრომლობაზე. როგორც მასთან საუბრისას აღვნიშნე, საქართველო და უკრაინა დანიის პარტნიორი ქვეყნებია. ჩვენ მჭიდრო ურთიერთობა გვაქვს საქართველოს ეროვნულ გვარდიასთან. ხვალ ეროვნული გვარდიის ახალი სკოლის გახსნას დავესწრები, რომელიც საქართველოსა და დანიას შორის ერთობლივი თანამშრომლობით დაარსდა. მოუთმელნად ველი ჩვენი თავდაუზოგავი მუშაობის შედეგს. ასევე ვგეგმავ ქართველ სამხედროებთან შეხვედრას“.

დღესვე დანიის სამეფოს შიდა გვარდიის დელეგაცია ეროვნულ სასწავლო ცენტრ „კრწანისს“ ესტუმრება და ნატო-საქართველოს წვრთნისა და შეფასების ერთობლივი ცენტრის მუშაობას ადგილზე გაეცნობა.

 

 

გაზიარება:

ამავე კატეგორიაში

სარეკლამო სივრცე 300X200

მიმდინარე სიახლეები

მაშველები ნანგრევებში ეძებენ შვიდ მოქალაქეს, რომელთა შორის, სამი მცირეწლოვანია
  • 17:10
მაშველები ნანგრევებში ეძებენ შვიდ მოქალაქეს, რომელთა შორის, სამი მცირეწლოვანია
ღმერთო, დაგვიფარე ასეთი მეგობრებისგან - დონალდ ტუსკი ტრამპის მიერ პუტინის „მეგობრად“ მოხსენიებაზე
  • 16:59
ღმერთო, დაგვიფარე ასეთი მეგობრებისგან - დონალდ ტუსკი ტრამპის მიერ პუტინის „მეგობრად“ მოხსენიებაზე
ივანიშვილი, რომელმაც სამჯერ უკანონოდ ჩამსვა, რომ დაასანქცირონ, მიხარია კი არა, საერთოდ ჩაიტანოს დედამიწამ - ნიკა გვარამია
  • 16:57
ივანიშვილი, რომელმაც სამჯერ უკანონოდ ჩამსვა, რომ დაასანქცირონ, მიხარია კი არა, საერთოდ ჩაიტანოს დედამიწამ - ნიკა გვარამია
გაყიდვების რეკორდი საბურავებში - საავტომობილო პროდუქციის ფართო არჩევანი და ზამთრის შეთავაზებები „თეგეტა მოტორსში“
  • 12:43
გაყიდვების რეკორდი საბურავებში - საავტომობილო პროდუქციის ფართო არჩევანი და ზამთრის შეთავაზებები „თეგეტა მოტორსში“
„თეგეტა აკადემიის“ სავალი ნაწილის შეკეთების პროგრამა დასრულდა - კურსდამთავრებულების ნახევარზე მეტი „თეგეტაში“ დასაქმდება
  • 12:31
„თეგეტა აკადემიის“ სავალი ნაწილის შეკეთების პროგრამა დასრულდა - კურსდამთავრებულების ნახევარზე მეტი „თეგეტაში“ დასაქმდება
Tegeta App-ში მოგების დროა - ყოველი 50-ე ახალი მომხმარებელი საჩუქრად „გალფის“ ქულებს მიიღებს
  • 16:47
Tegeta App-ში მოგების დროა - ყოველი 50-ე ახალი მომხმარებელი საჩუქრად „გალფის“ ქულებს მიიღებს
კაცმა ცივი იარაღის გამოყენებით დედა დაჭრა - თელავში 1 პირი დააკავეს
  • 11:14
კაცმა ცივი იარაღის გამოყენებით დედა დაჭრა - თელავში 1 პირი დააკავეს
Geely Starship 7 და Toyota Corolla საქართველოს ბანკის ავტოპარკში - „თეგეტა“ ბანკს ფლიტმენეჯმენტის ფარგლებში სრულ მომსახურებას გაუწევს
  • 14:40
Geely Starship 7 და Toyota Corolla საქართველოს ბანკის ავტოპარკში - „თეგეტა“ ბანკს ფლიტმენეჯმენტის ფარგლებში სრულ მომსახურებას გაუწევს
ყველა სიახლე
სარეკლამო სივრცე 300X200
https://www.facebook.com/pages/Prime-News-Georgia/1630193507230649

© png.ge 2015-2026. ყველა უფლება დაცულია

  • info@png.ge