კრემლზე უკრაინის თავდასხმის უკან აშშ დგას. ამის შესახებ რუსეთის პრეზიდენტის პრესსპიკერმა დმიტრი პესკოვმა განაცხადა.

„ჩვენ კარგად ვიცით, რომ გადაწყვეტილებას ასეთ ქმედებებზე, ასეთ ტერაქტებზე იღებენ არა კიევში, არამედ ვაშინგტონში. კიევი კი ასრულებს იმას, რის გაკეთებასაც სთხოვენ“, - განაცხადა პესკოვმა.

მისი თქმით, რუსეთის სპეცსამსახურებმა მოიპოვეს მონაცემები კრემლზე თავდასხმაში აშშ-ის მონაწილეობის შესახებ, მაგრამ ჯერ ამას არ ასაჯაროვებენ. „ვაშინგტონში მკაფიოდ უნდა ესმოდეთ, რომ მოსკოვისთვის ამის შესახებ ცნობილია და უნდა ესმოდეთ, რამდენად სახიფათოა კონფლიქტში ასეთი უშუალო ჩარევა“, - აღნიშნა პესკოვმა.

შეგახსენებთ, გუშინ, რუსეთის პრეზიდენტის ადმინისტრაციაში განაცხადეს, რომ უკრაინამ კრემლზე დრონებით თავდასხმა სცადა.