ელისეის სასახლეში ვოლოდიმირ ზელენსკისა და ოლაფ შოლცთან ერთობლივ პრესკონფერენციაზე საფრანგეთის პრეზიდენტმა ემანუელ მაკრონმა განაცხადა, რომ მისი ქვეყანა უკრაინას გამარჯვებამდე მიიყვანს.

"ჩვენ მხარს ვუჭერთ უკრაინას და მას გამარჯვებამდე მივიყვანთ, უკრაინას შეუძლია საფრანგეთისა და მოკავშირეების იმედი ჰქონდეს, რუსეთმა კი ამ ომში არ უნდა გაიმარჯვოს და ვერც გაიმარჯვებს“, - განაცხადა მაკრონმა.

საფრანგეთის პრეზიდენტმა ასევე დაარწმუნა ზელენსკი, რომ პარიზი გააგრძელებს უკრაინის სამხდრო დახმარებას.

გერმანიის კანცლერმა ოლაფ შოლცმა ასევე დაადასტურა უკრაინისადმი მტკიცე მხარდაჭერა და განაცხადა, რომ მისი ქვეყანა უკრაინას იმდენ დახმარებას გაუწევს, რამდენიც საჭირო იქნება. ასევე აღნიშნა, რომ ომში რუსეთმა არ უნდა გაიმარჯვოს.

ზელენსკიმ მადლობა გადაუხადა მაკრონსა და შოლცს შეხვედრისთვის.

 „საფრანგეთსა და გერმანიას პოტენციურად შეუძლიათ შეცვალონ სიტუაცია, რაც უფრო სწრაფად მიიღებს უკრაინა შორი რადიუსის მოქმედების შეიარაღებას და თანამედროვე თვთმფრინავებს, მით უფრო ძლიერი იქნება ჩვენი კოალიცია“, - განაცხადა ზელენსკიმ.

ხუთშაბათს, 9 თებერვლს ზელენსკი ბრიუსელში ევროკავშირის სამიტზე ჩავა.