საგარეჯოში მომხდარი შეიარაღებული თავდასხმის შედეგად დაჭრილი სამი პირის მდგომარეობა სტაბილურია. ისინი საგარეჯოში "ჯეო ჰოსპიტალსის" კლინიკაში რჩებიან.

საგარეჯოს ჯეო ჰოსპიტალსის დირექტორის, მამუკა ოთიაშვილის განცხადებით, კლინიკაში საგარეჯოში დაჭრილი მოქალაქეებიდან, ერთის მდგომარეობა კრიტიკულად მძიმეა და აქვს გამჭოლი ჭრილობები მუცლის ღრუსა და მარჯვენა ბარძაყის მიდამოებში.

როგორც ექიმმა აღნიშნა, კლინიკაში მყოფი სხვა დაჭრილი პაციენტების მდგომარეობა სტაბილურია.

ერთ-ერთი დაჭრილი თბილისშია გადაყვანილი.

20 იანვარს ღამით საგარეჯოში, შეიარაღებულმა პირმა, ერთ-ერთი საცხოვრებელი კორპუსის აივნიდან მოქალაქეებს ავტომატით ცეცხლი გაუხსნა. შინაგან საქმეთა სამინისტროს ინფორმაციით, დაიღუპა 5 ადამიანი, მათ შორის ერთი პოლიციელი. დაჭრილია კიდევ 5 ადამიანი, მათ შორის ერთის მდგომარეობა მძიმეა. არსებული ცნობით, თავდამსხმელმა სიცოცხლე თვითმკვლელობით დაასრულა, ის სპეცრაზმს ბინაში უკვე გარდაცვლილი დახვდა.