აშშ-ის კონგრესის წარმომადგენელთა პალატამ ახალი სპიკერი ვერ აირჩია, რაც ბოლო 100 წლის განმავლობაში პირველი შემთხვევაა
ამერიკის შეერთებული შტატების ახალი მოწვევის კონგრესის წარმომადგენელთა პალატამ, სადაც ბოლო არჩევნების შედეგად უმრავლესობა რესპუბლიკელებმა მოიპოვეს, ვერ შეძლო პირველივე სხდომაზე აერჩია ახალი სპიკერი. ბოლო 100 წლის განმავლობაში ეს პირველი შემთხვევაა.
პირველ სხდომაზე, რომელიც 3 იანვარს ჩატარდა, რესპუბლიკელმა კევინ მაკკარტიმ სამიდან ვერცერთი კენჭისყრის შედეგად ვერ მიიღო სპიკერად არჩევისთვის საჭირო 218 ხმა.
212 ხმა მიიღო დემოკრატიული პარტიის კანდიდატმა, ჰაკიმ ჯეფრისმა. „დემოკრატებს“ კონგრესის ქვედა პალატაში უმრავლესობა არ აქვთ, ამიტომ მათი კანდიდატის კენჭისყრაში მონაწილეობა სიმბოლური იყო.
