სალომე ზურაბიშვილის რეზიდენციასთან მიმდინარეობს აქცია მოთხოვნით, არ შეიწყალოს მიხეილ სააკაშვილი
საქართველოს პრეზიდენტის, სალომე ზურაბიშვილის რეზიდენციასთან საპროტესტო აქცია მიმდინარეობს მოთხოვნით, არ შეიწყალოს მიხეილ სააკაშვილი.
აქციაზე გამომსვლელთა შორის არიან ია მეტრეველი (ენმ-ის მმართველობის დროს მოკლული ბუტა რობაქიძის დედა), დაჩი ცაგურია (ყოფილი ოპოზიციონერი აქტივისტი, ამჟამად „საქართველოს რკინიგზის“ მგზავრთა გადაყვანის ფილიალის დირექტორი), ლალი მოროშკინა და სხვები.
როგორც აქციის მონაწილეები აცხადებენ, მათ სურთ, სალომე ზურაბიშვილს შეახსენონ საქართველოს ყოფილი პრეზიდენტის, მიხეილ სააკაშვილის დანაშაულები.
