თურქეთის საჰაერო ძალებმა ჩრდილოეთ სირიასა და ჩრდილოეთ ერაყში ქურთი მებრძოლების ბაზები დაბომბეს.

თავდაცვის სამინისტროს ინფორმაციით, აღნიშნულ ბაზებს კავშირი ჰქონდათ, სტამბოლში 13 ნოემბერს განხორციელებულ ტერაქტთან, რომელსაც ექვსი ადამიანი ემსხვრპლა და 81 დაშავდა.

უწყების განცხადებით, საჰაერო დარტყმების სამიზნე იყო უკანონო ქურთისტანის მუშათა პარტიის (PKK) და სირიის ქურთული YPG მილიციის ბაზები, რომლებიც თურქეთის თქმით, PKK-ის ფრთაა.

სირიის დემოკრატიული ძალებმა შაბათს გვიან განაცხადეს, რომ თურქეთის ავიაციამ დაბომბა ჩრდილოეთ სირიაში იძულებით გადაადგილებული ხალხით დასახლებული ორი სოფელი. ავიაიერიშის შედეგად დაღუპულთა და დაშავებულთა ზუსტი რაოდენობა ამ დროისთვის უცნობია.