კომენტარის გარეშე ვტოვებთ, იცით, რომ ეს რუსეთის ტერიტორიაა - პესკოვი ზელენსკის ხერსონში ჩასვლაზე
გათავისუფლებულ ხერსონში უკრაინის პრეზიდენტის, ვოლოდიმირ ზელენსკის ჩასვლასთან დაკავშირებით, რუსეთის პრეზიდენტის პრესსპიკერმა, დმიტრი პესკოვმა კომენტარი არ გააკეთა, თუმცა აღნიშნა, რომ "ხერსონი რუსეთის ტერიტორიაა".
"ჩვენ ამას კომენტარის გარეშე ვტოვებთ, თქვენ იცით, რომ ეს არის რუსეთის ფედერაციის ტერიტორია".- ასე უპასუხა ჟურნალისტების შეკითხვას, თუ როგორ აფასებს კრემლი ხერსონში ზელენსკის ჩასვლის ცნობებს და მიიჩნევენ თუ არა ამას "კიევის პროვოკაციად".
14 ნოემბერს, უკრაინის პრეზიდენტი ოკუპანტებისგან გათავისუფლებულ ხერსონში ჩავიდა.
