“ხელისუფლების პასიურობა ევროზონასთან უვიზო მომოსვლის დროულად მიღების პერსპექტივას საფრთხეს უქმნის. “ – ამის შესახებ „პაატა ბურჭულაძის - საქართველოს განვითარების ფონდის საგარეო ურთიერთობათა ჯგუფის ხელმძღვანელმა გიორგი რუხაძემ განაცხადა.

რუხაძის თქმით, ევროპარალამენტის მარტის პლენარული სხდომის დღის წესრიგის მიხედვით, საქართველოს საკითხი საერთოდ არ განიხილება. ასევე ევროკავშირის საბჭოც არ გაინიხილავს საქართველოსთვის სავიზლო ლიბერალიზაციის მინიჭების საკითხს რომელიც 17-18 მარტს შეიკრიბება.

„გუშინ ჩამოვედი ბრიუსელიდან, სადაც ევროპარლამენტში შეხვდი სხვდასხვა ფრაქციების წარმომადგენელებს, სავიზო ლიბერალიზაციის საკითხებთან დაკავშირებით. დანამდვილებით შემიძლია გითხრათ, რომ საქართველოს ხელისუფლება არის პასიური, მისი ზოგიერთი წარმომადგენელი ავრცელებს არასწორ ინფორმაციას, ქმნის არარეალისტურ მოლოდინს და თუ სერიოზულად არ გააქტიურდა ხელისუფლება, უვიზო მიმოსვლას ევროზონასთან ზაფხულში კი არა შემოდგომაზეც ვერ მივიღებთ. გარდა შეხვედრებისა, ამის თქმის საფუძველს მაძლევს ევროპარლამენტის პლენარული სხდომის დღის წესრიგი. სტრასბურგის სესიაზე, რომელიც 7-10 მარტს გაიმართება, საქართველოს საკითხი საერთოდ არ განიხილება. ასევე არ გაინიხილავს საქართველოსთვის სავიზლო ლიბერალიზაციის მინიჭების საკითხს ევროკავშირის საბჭო, რომელიც 17-18 მარტს შეიკრიბება.“ - განაცხადა გიორგი რუხაძემ.

„პაატა ბურჭულაძის - საქართველოს განვითარების ფონდის“ საგარეო პოლიტიკის ჯგუფის ხელმძღვანელი მოუწოდებს ხელისუფლებას გააქტიუროს ლობისტური ნაბიჯები, წინააღმედგ შემთხვევაში დაპირებები ზაფხულში ევროზონასთან უვიზო მიმოსვლის შესახებ მხოლოდ დაპირებად დარჩება. „თუ ხელისუფლებამ ლობისტური ნაბიჯები არ გააქტიურა, ევროპარლამეტში ფრაქციების ლიდრების დონეზე არ მოითხოვა საკანონმდებლო ცვლილების შემდეგ სესიაზე დაყენება, რომელიც 11-14 აპრილს გაიმართება, ასევე ევროკავშირის საბჭოს 23-24 ივნისის სხდომაზე მისი განხილვა, ხელისუფლების დაპირება, რომ საქართველოს მოქალაქეები ზაფხულში ევროზონაში უვიზო მიმოსვლას შეძლებენ, უბრალო დაპირებად დარჩება.“ - განაცხადა გიორგი რუხაძემ გამართულ პრესკონფერენციაზე.