ეს არ არის ყველაფერი, რისი გაკეთებაც შეგვიძლია, – ასე უპასუხა რუსეთის პრეზიდენტმა, ვლადიმირ პუტინმა ჟურნალისტის შკითხვას – არის თუ არა უკრაინაზე ამჟამინდელი მასირებული დარტყმები პასუხი სევასტოპოლში ბოლო მოვლენებზე.

„ნაწილობრივ ასეც არის, თუმცა ეს არ არის ყველაფერი, რისი გაკეთებაც შეგვიძლია“, -უპასუხა პუტინმა ილჰამ ალიევთან და ნიკოლ ფაშინიანთან ერთობლივი მოლაპარაკებების შემდეგ გამართულ პრესკონფერენციაზე ჟურნალისტის შეკითხვას.

უკრაინასთან მოლაპარაკებების შესაძლო გამართვის შემთხვევაში, პუტინმა განაცადა, რომ იმისთვის, რომ მიღწეულ იქნას შეთანხმებები, საჭიროა მოლაპარაკებების მაგიდასთან დაჯდომა და მოლაპარაკება.

„აი, ჩვენ სტამბოლში შევთანხმდით, ისინი {უკრაინელები} კი ადგნენ შემდგომ და ყველაფერი ნაგავში გადაყარეს. ახლა კი საერთოდ, როგორც თქვენ სწორად აღნიშნეთ, საკუთარ თავს აუკრძალეს ჩვენთან საუბარი. როგორ შეიძლება ვისაუბროთ შესაძლო შეთანხმებებზე, როცა იქითა მხრიდან ჩვენთან საუბრის სურვილიც კი არ არის. დაველოდებით, შესაძლოა, მომწიფდეს რამე აუცილებელი პირობები, ჩვენი კეთილი ნება ცნობილია, ის არ შეცვლილა და ეჭვქვეშ არ დაყენებულა“, – განაცხადა პუტინმა ჟურნალისტის შეკითხვის პასუხად