რუსეთის საგარეო საქმეთა სამინისტროს წარმომადგენელმა გაეროს გენერალური ასამბლეის კომიტეტის სხდომაზე კონსტანტინე ვორონცოვმა განაცხადა, რომ რუსეთს შეუძლია დასავლური კომერციული თანამგზავრები ლეგიტიმურ სამიზნედ განიხილოს, თუ მათ უკრაინაში გამოიყენებენ.

ვორონცოვმა განცხადა, რომ შეერთებულმა შტატებმა და მისმა მოკავშირეებმა სამოქალაქო ინფრასტრუქტურის კომპონენტები კოსმოსში სამხედრო მიზნებისთვისგანათავსეს.

„კოლეგებს, ალბათ, ბოლომდე არ ესმით, რომ ასეთი ქმედებები, ფაქტობრივად, წარმოადგენს არაპირდაპირ მონაწილეობას შეიარაღებულ კონფლიქტებში“, - განაცხადა ვორონცოვმა.

მისი თქმით, „კვაზისამოქალაქო ინფრასტრუქტურა შეიძლება იყოს საპასუხო დარტყმის „ლეგიტიმური სამიზნე“.

უკრაინის არმია ფართოდ იყენებს ილონ მასკის Starlink-ის თანამგაზვრულ სისტემას. ის უკრაინის შეიარაღებული ძალების კომუნიკაციისა და კონტროლისთვის გამოყენება, მათ შორის, სადაზვერვო მონაცემებისა და დროონებიდან სამიზნეების შესახებ ინფორმაციის რეალურ დროში მისაღებად.

აშშ უკრაინისთვის ფოტოებს ყიდულობს თანამგზავრების მფლობელი კომპანიებისგან -  Maxar-სა და Planet Labs and BlackSky-გან . უკრაინის დაზვერვის ანალიტიკოსებს პირდაპირი კავშირი აქვთ კომპანიის სპეციალისტებთან, იტყობინება პორტალი DefenseNews -ი. ატლანტიკური საბჭოს აგვისტოს ანალიტიკურ ანგარიშში აღნიშნულია, რომ რუსეთმა ომის დასაწყისშივე დაიწყო ამ ინფრასტრუქტურაზე თავდასხმა ჰაკერების მეშვეობით.