პოლონეთის სენატმა ერთხმად - 85 ხმით მიიღო რეზოლუცია რუსეთის ხელიუფლების ტერორისტულ რეჟიმად აღიარების შესახებ.

სენატი რეზოლუცაიში „მტკიცედ გმობს რუსეთის აგრესიას და ყველა ქვეყანას, რომლებიც მხარს უჭერენ მშვიდობას, დემოკრატიასა და ადამიანის უფლებებს, მოუწოდებს რუსეთის ფედერაციის ხელისუფლება ტერორისტულ რეჟიმად აღიაროს.“

რეზოლუციაში სენატორები აღნიშნავენ, რომ 2022 წლის 4 თებერვალს რუსეთის შეიარაღებულმა ძალებმა სასტიკი ომი გააჩაღეს უკრაინის წინააღმდეგ, რათა მსოფლიო რუკიდან წაეშალათ ეს სუვერენული ქვეყანა და გაენადგუებინათ უკრაინელი ერი.

სენატორები ხაზგასმით აღნიშნავენ, რომ უკრაინის მოქალაქეების თავგანწირულმა ბრძოლამ დამოუკიდებლობისათვის მთელი თავისუფალი სამყაროს აღტაცება გამოიწვია. „უკრაინა დღეს წარმოადგენს მნიშვნელოვან ადგილს, სადაც იცავენ დემოკრატიასა და თავისუფლებას“, - ნათქვამია დოკუმენტში.

სენატორები აცხადებენ, რომ რუსი ოკუპანტები ატერორებენ უკრაინული ქალაქების მოსახლეობას, ბომბავენ სამოქალაქო ობიექტებს.

„ოკუპირებულ ტერიტორიებზე აწამებენ და კლავენ სამხედრო ტყვეებსა და სამოქალაქო პირებს. იტაცებენ უკრაინელ ბავშვებს, უკრაინის მოქალაქეებს ასახლებენ და აგზავნიან რუსეთის შორეულ პერიფერიებში“, - ნათქვამია რეზოლუციაში.

შეგასენებთ, 13 ოქტომბერს ევროსაბჭოს საპარლამენტო ასამბლეამ მიიღო რეზოლუცია, რომელშიც რუსეთი სახელმწიფო ტერორისტულ რეჟიმად აღიარა.