პენტაგონის პრესსპიკერის, გენერალ პატ რაიდერის თქმით, აშშ-მა რუსეთი სხვადასხვა დონეზე გააფრთხილა, რომ უკრაინაში "ბინძური ბომბის" გამოყენებას შედეგები მოჰყვება.

ასევე, რაიდერმა აღნიშნა, რომ აშშ-მ რუსეთს "ბირთვული იარაღის ჟღარუნთან" დაკავშირებული შეშფოთებები აცნობა.

ამის გარდა, რაიდერმა განაცხადა, რომ ამერიკის შეერთებული შტატების თავდაცვის უწყება, ვერანაირ ნიშნებს ვერ ხედავს, რომ ვლადიმერ პუტინი ბირთვული ან „ბინძური“ ბომბის გამოყენებას გეგმავს.

„ჯერჯერობით ჩვენ არ შეგვიმჩნევია არანაირი ნიშანი, რომ რუსეთმა ბირთვული იარაღის ან „ბინძური“ ბომბის გამოყენების გადაწყვეტილება მიიღო, ან განზრახული აქვს რომ გამოიყენოს“, – განაცხადა რაიდერმა.

მისი თქმით, შეერთებული შტატები სიტუაციის განვითარებას ყურადღებით აკვირდება.

23 ოქტომბერს სერგეი შოიგუმ დიდი ბრიტანეთის, საფრანგეთის და თურქეთის თავდაცვის მინისტრებთან საუბრის დროს უკრაინის მხრიდან "ბინძური ბომბის" გამოყენების საფრთხეზე ისაუბრა. ამავე საკითხზე ესაუბრა აშშ-ს თავდაცვის მინისტრს, ლოიდ ოსტინსაც.

კიევში ამბობენ, რომ ე.წ. ბინძური ბომბის აფეთქებას შესაძლოა, რუსეთი გეგმავს და სურს, ეს უკრაინას დააბრალოს.