რუსეთის პრეზიდენტის ვლადიმირ პუტინის მუქარა ბირთვული იარაღის გამოყენების შესახებ რეალურია, წარმოადგენს ყველაზე დიდ რისკს კარიბის ზღვის კრიზისის შემდეგ და შეიძლება გამოიწვიოს არმაგედონი.

ამის შესახებ აშშ-ის პრეზიდენტმა ჯო ბაიდენმა განაცხადა. იუწყება Reuters

„ის {პუტინი} არ ხუმრობს, როდესაც ლაპარაკობს ტაქტიკური ბირთვული იარაღის ან ბიოლოგიური და ქიმიური იარაღის პოტენციურ გამოყენებაზე, რადგან მისი შეიარაღებული ძალები შეიძლება ითქვას სამუშაოს ვერ ასრულებენ. არ მგონია არსებობდეს ისეთი რამ, რომ მარტივად გამოიყენო ტაქტიკური ბირთვული იარაღი და არ დაასრულო ის არმაგედონით“, - თქვა ბაიდენმა.

ბაიდენის თქმით, აშშ-ის ოფიციალური პირები ეძებენ შექმნილი მდგომარეობიდან დიპლომატიურ გამოსავალს.