რუსეთის პრეზიდენტი ვლადიმირი პუტინი, სავარაუდოდ გეგმავს უკრაინაში რუსეთის არმიის წარუმატებლობაზე პასუხისმგებლობა რუსეთის ფედერაციის თავდაცვის მინისტრს, სერგეი შოიგუს დააკისროს.

ამის შესახებ ნათქვამია ომის შემსწავლელი ინსტიტუტის (ISW) ახალ ანგარიშში.

ISW-ში ფიქრობენ, რომ ცოტა ხნის წინ ჩეჩნეთის ლიდერის რამზან კადიროვის მიერ გაკეთებულ განცხადებებს მისთვის გენერალ-პოლკოვნიკის წოდების მინიჭებასთან დაკავშირებით, თუ ეს სიმართლეს შეესაბამება, შესაძლოა, რიგი მიზეზები ჰქონდეს. სავარაუდოდ, პუტინმა კადიროვს წოდება იმის გამო მოუმატა, რომ შეენერჩუნებინა მისი ლოიალურობა და უკრაინაში რუსეთის ჯარის წარუმატებლობის გამო შოიგუსგან დისტანცირებულიყო.

რუსეთში ნაწილობრივი მობილიზაციის გამოცხადების შემდეგ, კრემლი კრიტიკის ქარცეცხლში მოექცა. სავარაუდოდ, ეს უბიძგებს პუტინს განტევების ვაცად  სწორედ თავდაცვის სამინისტრო აქციოს.

 „5 ოქტომბრის დადგენილებით, პუტინმა გადადო  სტუდენტების მობილიზაცია, პუტინმა რუსულ მედიას განუცხადა, რომ იმის გამო, რომ „თავდაცვის სამინისტრომ დროულად არ შეიტანა ცვლილებები საკანონმდებლო ბაზაში არამობილიზებულთა სიასთან დაკავშირებით, აუცილებელია კორექტივების შეტანა. ეს არის თავდაცვის სამინისტროს პირდაპირი კრიტიკა, ასევე  შოიგუს ფარული კრიტიკა, რომელსაც პუტინი, როგორც ჩანს დააკისრებს პაუხიმგებლობას უკრაინაში წარუმატებლობის გამო“, - აღნიშნავენ ექსპერტები.