უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინას ნატო-ში დაჩქარებული წესით  გაწევრიანებაზე განაცხადი შეაქვს.

„დე-ფაქტო ჩვენ უკვე გავიარეთ ჩვენი გზა ნატო-სკენ. დე-ფაქტო ჩვენ უკვე დავამტკიცეთ თავსებადობა ჩრდილოატლანტიკური ალიანსის სტანდარტებთან. ის რეალურია უკრანისთვის - რეალურია ბრძოლის ველზე და ჩვენი ურთიერთობის ყველა ასპექტში. ჩვენ ვენდობით ერთმანეთს, ვეხმარებით ერთმანეთს და ჩვენ ვიცავთ ერთმანეთს. ეს არის კიდეც ჩრდილოატლანტიკური ალიანსი. დე-ფაქტო.

დღეს უკრაინას შეაქვს განაცხადი, რათა ეს აქციოს დე-იურედ. პროცედურით, რომელიც შეესაბამება ჩვენს ღირებულებებს ჩვენი საზოგადოების დასაცავად. დაჩქარებული წესით. ვდგამთ  ჩვენს განმსაზღვრელ ნაბიჯს, ხელს ვაწერთ უკრაინის განაცხადს დაჩქარებული წესით ნატო-ში გაწევრიანებაზე“, - განაცხადა ზელენსკიმ.