უკრაინის შეიარაღებულმა ძალებმა 29 სექტემბერს,  საღამოს, ლიმანის რაიონში სავარაუდოდ, დაასრულეს რუსული დაჯგუფებების ალყაში მოქცევა. უკრაინელი სამხედროები შეძლებენ ლიმანის აღებას, თუ რუსეთის ძალები  დახმარებას არ მიიღებენ. ამის შესახებ ნათქვამია ამერიკის ომის შემსწავლელი ინსტიტუტის (ISW) ანგრიშში.

„უკრაინელმა სამხედროებმა, სავარაუდოდ, თითქმის დაასრულეს ლიმანში რუსული დაჯგუფებების ალყაში მოქცევა და გადაჭრეს კრიტიკულად მნიშვნელოვანი სახმელეთო კომუნიკაციის ხაზები (GLOC),  რომელიც რუსულ ჯარს ეხმარება დრობიშევო-ლიმანის რაიონში“, - აღნიშნავენ ექსპერტები.

ომის შემსწავლელი ინსტიტუტი აღნიშნავს, რომ რუსული წყაროების მონაცემებით, უკრაინელმა სამხედროებმა ლიმანიდან ჩრდილოეთით 10 კილომეტრში სტავკის რაიონში გაარღვიეს რუსეთის თავდაცვა, ასევე გადაკეტეს ტორსკოე-დრობიშევოს გზა, რომელიც რუსი სამხედროებისთვის მომარაგებისა და გასვლის უკანასკნელი გზა იყო.

უკრაინის შეიარაღებული ძალები ლიმანს სავარაუდოდ სამი მიმართულებიდან უტევენ. უკრაინელებმა გადაუჭრეს ოკუპანტებს მისასვლელი კრიტიკულად მნიშვნელოვან სვატოვო-ლიმანის გზამდე.