უკრაინის პრეზიდენტმა ვოლოდიმირ ზელენსკიმ განაცხადა, რომ რუსებმა 30 სექტემბერს, ზაპოროჟიეს წინააღმდეგ 16 რაკეტა ისროლეს. ზელენსკი ამბობს, რომ მტერი გამძვინვარებულია ფრონზტე უკრაინელი სამხედროების წარმატებების გამო და მშვიდობიან მოქალაქეებს ხოცავს.

„ტერორისტი-სახელმწიფო რაკეტებს ესვრის მშვიდობიან მოსახლეობას ზაპოროჟიეს, მიკოლაივისა და დნიპროპეტროვსკის ოლქებში. უკრაინის რეგიონებს დარტყმებს აყენებს ზალპური ცეცხლის რეაქტიული სისტემებიდან და დრონებიდან.

ზაპოროჟიეში, მხოლოდ ერთი დილის განმავლობაში ოკუპანტებმა ისროლეს 16 რაკეტა!  ასე შეუძლიათ მოიქცნენ მხოლოდ უკანასკნელი ტერორისტები, რომელთა ადგილიც არ უნდა იყოს ცივილიზებულ სამყაროში.

მტერი მძვინვარებს და ცდილობს შური იძიოს ჩვენი უძლეველობისა და თავისი წარუმატებლობისათვის. ცინიკურად ანადგურებს მშვიდობიან უკრაინელებს, დიდი ხანია მას დაკარგული აქვს ადამიანურობა.  

სისხლისმსმელო ნაძირლებო! პასუხს აგებთ ყოველი უკრაინელის დანგრეული ცხოვრებისთვის“.

30 სექტემბერს, დაახლოებით დილის 7:30 საათზე, ოკუპანტებმა სარაკეტო შეტევა განახორციელეს ზაპოროჟიეს წინააღმდეგ. რუსებმა დაბომბეს ჰუმანიტარული კოლონა.

გავრცელებული ინფორმაციით,  დაიღუპა 25 და დაიჭა 50-მდე სამოქალაქო პირი, დაღუპულთა შორის არიან ბავშვებიც.