უკრაინის პრეზიდენტი ვოლოდიმირ ზელენსკი აცხადებს, რომ ტყვედ ჩაბარებულ რუს სამხედროებს უკრაინა გარანტიას აძლევს, რომ მათ ცივილიზებულად მოექცევიან და ვერავინ გაიგებს, რომ მათი ჩაბარების გარემოებების შესახებ.

მან რუსეთის მოქალაქეებს მოუწოდა თავი აარიდონ მათ ქვეყანაში ახლახან გამოცხადებულ ნაწილობრივ სამხედრო მობილიზაციას.

"ყოველ რუს სამხედროს, რომელიც ჩაბარდება, უკრაინა სამ გარანტიას აძლევს. პირველი - თქვენ მოგექცევიან ცივილიზებული ფორმით, ყველა კონვენციის შესაბამისად. მეორე - არავის ეცოდინება თქვენი ჩაბარების გარემოებები, რუსეთში ვერავინ გაიგებს, რომ თქვენ საკუთარი ნებით ჩაბარდით. და მესამე - თუ რუსეთში დაბრუნება გაშინებთ და გაცვლა არ გინდათ, ამის უზრუნველყოფის გზასაც მოვძებნით" - თქვა ზელენსკიმ.