უკრაინის შეიარაღებულმა ძალებმა თავად უნდა განსაზღვრონ, როდის და როგორ გაათავისუფლონ რუსეთის მიერ 2014-2015 წლებში ოკუპირებული ტერიტორიები. ამის შესახებ აშშ-ის პრეზიდენტის მრჩეველმა უსაფრთხოების საკითხებში ჯეკ სალივანმა იალტის ევროპული სტრატეგიის“ რიგით მე-17 ფორუმზე განაცხადა.

 „უკრაინის შეიარაღებულმა ძალებმა თავად უნდა განსაზღვრონ თავიანთი ამოცანები და მოქმედბები 2014-2015 წლებში ოკუპირებულ ტერიტორიებთან დაკავშირებთ. ეს უკრაინის დემოკრატიულად არჩეულმა პრეზიდენტმა ზელენსკიმ უნდა განსაზღვროს, რადგან ის პასუხისმგებელია უკრაინელი ხალხის წინაშე ამ მიზნებთან დაკავშირებით. აშშ-სა და მოკავშირეების მიზანია, დავეხმაროთ უკრაინას მიზნის მიღწევაში. აშშ-ის მთავარი ინტერესია ამ ომში დაეხმაროს უკრაინას აღადგინოს ტერიტორიული მთლიანობა - იქნება ეს მოლაპარაკებების გზით, თუ ბრძოლის ველზე,“- აღნიშნა სალივანმა.

ამასთან. სალივანმა ხაზი გაუსვა უკრაინის სამხრეთითა და ხარკოვის ოლქში უკრაინის არმიის კონტრშეტევის დადებით შედეგებს.

„ეს კონტრშეტევა, სხვა საკითხებთან ერთად, აჩვენებს, რომ არ შეიძლება უბრალოდ იმის თქმა, რომ რუსეთმა სამუდამოდ დაიპყრო ოკუპირებული ტერიტორიები და მოახვევს მათ თავის პოლიტიკურ წყობას. ეს მკაფიო სიგნალია როგორც სამხედრო-ტაქტიკურ, ისე პოლიტიკურ-დიპლომატიურ დონეზე. და ჩვენ მხარს დავუჭერთ უკრაინის შეიარაღებული ძალების ძალისხმევას ლოჯისტიკით, მომარაგებით, იარაღით, აღჭურვილობით“ - აღნიშნა სალივანმა.

.