დღეს, საბურთალოს სასაფლაოზე, „თავისუფალი დემოკრატების“ ერთ-ერთ ლიდერს, ალექსი პეტრიაშვილს თავს დაესხნენ. შსს-ს ინფორმაციით,

პეტრიაშვილი ორივე ქვედა კიდურშია დაჭრილი და ამ წუთებში, რესპუბლიკურ საავადმყოფოში ოპერაციას უტარებენ.

მისი მეგობრები მომხდარზე და მის მიზეზებზე ღიად არ საუბრობენ, თუმცა ვრცელდება სხვადასხვა ვერსიები. გავრცელებული ინფორმაციით, პეტრიაშვილის დაჭრის ფაქტი მის პირად ცხოვრებას უკავშირდება.

კულუარული ინფორმაციით, პოლიტიკოსს რთული ურთიერთობა ჰქონდა მისი მეუღლის, ეკა მიშველაძის ყოფილ შეყვარებულთან სოსო დოლიძესთან. ერთ-ერთი ვერსიით, სწორედ შურიძიება სახელდება. განიხილება ასევე პოლიტიკური მოტივიც.

შეგახსენებთ, რომ ბუკა პეტრიაშვილი და ჟურნალისტი ეკა მიშველაძე 2015 წლის 4 ოქტომბერს დაქორწინდნენ. .

შინაგან საქმეთა სამინისტროს ქ. თბილისის პოლიციის დეპარტამენტმა გამოძიება საქართველოს სისხლის სამართლის კოდექსის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს. გამოძიების წინასწარი ინფორმაციით, თავდასხმის მომენტში ალექსი პეტრიაშვილი ყოფილი დიპლომატის - ლევან მიქელაძის საფლავზე სამ მეგობართან ერთად იმყოფებოდა.