გერმანიაში, ნოირუპინის სასამართლომ ზაკსენჰაუზენის საკონცენტრაციო ბანაკის 101 წლის ყოფილ მცველს 5-წლიანი პატიმრობა მიუსაჯა. მას ბრალად ედება ბანაკის ათასობით პატიმრის მკვლელობაში მონაწილეობა.

სასამართლო პროცესი 9 თვის განმავლობაში მიმდინარეობდა. ბრალდებულს ბრალი არ უღიარებია, მან სასამრთლოს განუცხადა, რომ ზაკსენჰაუზენში არასდროს მსახურობდ და საბრალდებო დასკვნაში მითითებულ ვადებში მეკლენბურგის რეგიონში ფერმაში მუშაობდა. თუმცა პროკურატურამ წარადგინა საოკონცენტრაციო ბანაკის მცველის სახელი, გვარი და დაბადების თარიღი, რომლებიც სრუალ ემთხვეოდა ბრალდებულის მონაცემებს.

ზაკსენჰაუზენის საკონცენტრაციო ბანაკი, რომელიც 1936 წელს აშენდა, მეორე მსოფლიო ომის ბოლომდე 200 ათასზე მეტმა ტუსაღმა გამოიარა. მათ შორის იყვნენ ნაცისტური რეჟიმის მოწინააღმდეგეები, ასევე ებრაელები, უხოელი სამხედრო ტყვეები. ათობით ათასი პატიმარი შიმშილის, ავადმყოფობის, მძიმე შრომის  შედეგად, ასევე სამედიცინო ექპსრიმენტებისა  და სასტიკი მოპყრობისგან გარდაიცვალა.