სტამბოლში, 26 ივნისს ლგბტ თემის წარმომადგენლების უფლებათა დაცვის მხარდამჭერ აქციაზე 200-ზე მეტი ადამიანი დააკავეს. ინფორმაციას სააგენტო  AFP ღონისძიების ორგანიზატორებზე დაყრდნობით ავრცელებს.

იმის მიუხედავად, რომ ქალაქის ხელისუფლებამ პრაიდის ჩატარება აკრძალა, ასობით ადამიანი ლგბტ სიმბოლოკებით სტამბოლოს ცეტრალურ ქუჩებში გამოვიდა და მსვლელობა მოაწყო.

დილიდან პოლიციამ ჯიჰანგირის ცენტრალურ რაიონს ალყა შეამოარტყა. ძალოვანებმა ჯერ კიდევ მსვლელობის დაწყებამდე დაიწყეს შეკრებილების დაკავება, მათ შორის დააკავეს მედიასაშუალებების წარმომადგენლები და ბარში მყოფი ადამიანები. ერთ-ერთი დაკავებული იყო AFP-ის ფოტოგრაფი ბიულენტ კილიჩი.

უფლებადამცველმა ორგანიზაცია Amnesty International-მა დაკავებულების დაუყოვნებლივ გათავისუფლება მოითხოვა. საღამოს დაკავებულების ნაწილი გაათავისუფლეს.

სტამბოლში ლგბტ თემის წარმომადგენელთა აღლუმი Istanbul Pride პირველად 2003 წელს გაიმართა. მას შემდეგ ღონისძიება ყოველს წელს იმართებოდა და მას უფრო მეტი ადამიანი უერთდებოდა. 2014 წელს პრაიდში მონაწილეობა მიიღო 100 ათასამდე ადამიანმა.

ამის შემდეგ ქალაქის ხელისუფლებამ წლიდან წლამდე მსვლელობის კრძალვა დაიწყო და ამას უსაფრთხოების დაცვის მოტივით ხსნიდა. გასულ წელს პოლიციამ მარშის მონაწილეთა დასაშლელად ცრემლსადენი გაზი გამოიყენა.

ევროპის საბჭოს ადამიანის უფლებათა დაცვის კომისარმა დუნია მიატოვიჩმა 24 ივნისს თურქეთის ხელისუფლებას მოუწოდა წელს პრაიდის გამართვის ნებართვა გაეცა. „ლგბტ პირის უფლებები თურქეთში ეფექტურად უნდა იყოს დაცული“, - თქვა მან.