რუსეთის უშიშროების საბჭოს თავმჯდომარის მოადგილე დმიტრი მედვედევი მოლდოვას დაემუქრა, განაცხადა, რომ რუსეთის წინააღმდეგ დასავლეთის სანქციებთან კიშინიოვის შეერთების შემთხვევაში კრემლის პასუხი არ დააყოვნებს.

„ჯერ ევროკავშირში არ არიან და ცდილობენ ასიამოვონ თავის ახალ ბატონებს, მზად არიან შეუერთდნენ ევროპის სანქციებს ჩვენი ქვეყნის წინააღმდეგ. იყოს ასე, დაე სცადონ. მაშინ დარწმუნებულები იყვნენ 100%-ით, რომ ჩვენგან ვერ მიიღებენ არამხოლოდ „ძვირფას“ ენერგეტიკისა და სხვა რესურსებს, არამედ საერთოდ ვერაფერს. დაე დატკბნენ სანქციებით, ვიდრე ევროკავშირში მოხვდებიან“, - განაცხადა მედვედევმა.

მან ასევე მაინიშნა, რომ რუსეთი მზად არის „დაიცვას“ თავისი „მოქალაქეები“, რომლებიც მის მიერ კონტროლირებად დნესტრისპირეთში ცხოვრობენ.

„თუ დაიწყება სერიოზული არეულობა მოლდოვისა და რუმინეთის გარშემო, ახსოვდეთ, რომ დნესტრისპირეთში 220 ათასამდე რუსეთის მოქალაქე ცხოვრობს“, - თქვა მედვედევმა.

მოლდოვის პარლამენტის თავმჯდომარემ იგორ გროსუმ განაცხადა, რომ მოლდოვა მზადაა, რუსეთის წინააღმდეგ ევროკავშირის სანქციებს შეუერთდეს.