ოკუპირებული ცხინვალის რეგიონის ე.წ. არჩეულმა პრეზიდენტმა, ალან გაგლოევმა განაცხადა, რომ მხარს უჭერს "სამხრეთ ოსეთის" რუსეთთან გაერთიანებას.

"მე, როგორც ჩემი ქვეყნის შვილი და სამხრეთ ოსეთის რესპუბლიკის ხალხის მიერ არჩეული პრეზიდენტი სრულად ვუჭერ მხარს გაყოფილი ოსი ხალხის გაერთიანების იდეას ერთიან რუსეთში, სამხრეთ ოსეთის რუსეთთან გაერთიანება ოსი ხალხის უძველესი ოცნებაა", - განაცხადა გაგლოევმა.

„საპრეზიდენტო არჩევნების მეორე ტურის“ შედეგებით, რომელიც 8 მაისს ოკუპირებულ ცხინვალში გაიმართა, „ნიჰასის“ პარტიის ლიდერმა ალან გაგლოევმა „გაიმარჯვა“.

მარიონეტული რეჟიმის წარმომადგენლები ალან გაგლოევის "ინაუგურაციას" 24 მაისს გეგმავენ, ე.წ. რეფერენდუმის ჩატარება კი 17 ივლისს იგეგმება.