მსოფლიო ოთხგზის ჩემპიონი - იტალიის ნაკრები ყატარის მუნდიალის გარეშე დარჩა! პალერმოში რობერტო მანჩინის გუნდმა ვერაფრით გაუტანა ჩრდილოეთ მაკედონიის ნაკრებს და მე-2 კომპენსირებულ წუთზე ალეკსანდარ ტრაიკოვსკისგან გადამწყვეტი დარტყმა გაუშვა. 

შეგახსენებთ, რომ იტალიის ნაკრებს არც წინა მსოფლიოს ჩემპიონატზე უთამაშია.

24 მარტს ევროპაში მსოფლიოს ჩემპიონატის საკვალიფიკაციო პლეი ოფის ნახევარფინალური მატჩები გაიმართა. სულ 6-დან 4 ნახევარფინალური შეხვედრა ჩატარდა - შოტლანდია-უკრაინა უკრაინაში ომის გამო ზაფხულისთვის გადაიდო, ხოლო პოლონეთს ომის გამო მოკვეთილ რუსეთთან გამარჯვება ჩაეთვალა. დღეს პოლონეთს პლეი ოფის ფინალებში კიდევ 4 ნაკრები შეუერთდა.

პორტუგალიამ თურქეთის ნაკრებს უმასპინძლა და 3:1 დაამარცხა. ასე რომ, 29 მარტს პლეი ოფის ფინალში პორტუგალია ჩრდლოეთ მაკედონიას დაუპირისპირდება.