მარიუპოლის გმირი დამცველების უდიდესი წვლილია იმაში, რომ მტრის გეგმები განადგურებილია და უკრაინის თავდაცვა უფრო აქტიური ხდება, ამის შესახებ   უკრაინის თავდაცვის მინისტრმა ოლექსეი რეზნიკოვმა Facebook-ზე დაწერა.

„მტერი აღარ ოცნებობს კიევზე, მტკივნეულ დარტყმებს იღებს ხარკოვის, ნიკოლაევის, ხერსონისა და ლუჰანსკის ოლქებში. მარიუპოლის გმირი დამცველების უდიდესი წვლილია იმაში, რომ მტრის გეგმები განადგურებილია და უკრაინის თავდაცვა უფრო აქტიური ხდება. მათი სიმამაცის დამსახურებით, გადარჩენილია ათი ათასობით სიცოცხლე მთელ უკრაინაში. დღეს მარიუპოლი იცავს კიევსაც, დნიპროსაც და ოდესასაც. ეს ყველას უნდა ესმოდეს“, - აღნიშნავს მინისტრი.

რეზნიკოვი აღნიშნავს, რომ  ხერსონის, ენერგოდარისა და სხვა ქალაქების მოსახლეობა, უიარაღოდ, პროტესტს უცხადებს რუს ოკუპანტებს, აჩვენებს, რომ უკარინელი ხალხის ნება დაუმარცხებელია და სჯობს მტერი უკან გაბრუნდეს.

მინისტრის თქმით, უკრაინელების ბრძოლა თავისი მიწისთვის მსოფლიო აიძულებს გააცნობიეროს, რომ  რუსეთის თავდასხმამ უკრაინაზე, შესაძლოა გამოიწვიოს გლობალური სასურსათო კრიზისი, რომელიც თავის მხრივ მოიტანს მორიგ მიგრაციულ კრიზისს ევროპისთვის.

„ჩვენ დავამარცხებთ მტერს ერთიანობით. თითოეულის წვლილი მნიშვნელოვანია. არსებობს სხვადასხვა ფრონტი, გამარჯვება კი ყველასთვის ერთია. დიდება უკრაინას!“ - წერს რეზნიკოვი.