24 თებერვლიდან 19 მარტამდე პერიოდში უკრაინაში 2 361 ადამიანი დაიღუპა, მათ შორის 902 მშვიდობიანი მოქალაქე. დაშავებულია 1 459 ადამიანი. მონაცემებს გაეროს ადამიანის უფლებათა დაცვის უმაღლესი კომისარი ავრცლებს.

 „მოკლულია 902 ადამიანი (179 კაცი, 134 ქალი, 11 გოგონა და 25 ბიჭი, ასევე 39 ბავშვი და 514 მოზრდილი, რომელთა სქესიც ჯერ უცნობია)“, - ნათქვამია ინფორმაციაში.

გაეროს ცნობით, დონეცკისა და ლუჰანსკის ოლქებში დაშავდა 744 ადამიანი, დაიღუპა 248. ხელისუფლების მიერ კონტროლირებად ტერიტორიებზე დაღუპულია 195 ადამიანი და დაჭრილია 561. ტერიტორიებზე რომლებსაც სეპარატისტები აკონტროლებენ, დაღუპულია 53 და დაჭრილია 183 ადამიანი.

ასევე კიევში, ჩერკასკის, ჩერნიჰოვის, ხარკოვის, ხერსონის, კიევის, ნიკოლაევის, ოდესის, სუმის, ზაპოროჟიეს, დნეპროპეტროვსკისა და ჟიტომირის ოლქებში დაღუპულია 654 და დაშავებულია 715 ადამიანი.

 „მშვიდობიან მოქალაქეებს შორის მსხვერპლი მოჰყვა ასაფეთქებლი იარაღის გამოყენებას, რომელიც აზიანებს დიდ ფართობს, ასევე მძიმე არტილერიიდან და ზალპური ცეცხლის რეაქტიული სისტემებიდან დაბომბვასა და სარაკეტო და საავიაციო დარტყმებს“, - ნათქვამია ინფორმაციაში.