მიუნხენის "ბაიერნისა" და პოლონეთის ეროვნული ნაკრების თავდამსხმელი რობერტ ლევანდოვსკი ფეხბურთის საერთაშორისო ფედერაციამ (FIFA) 2021 წლის საუკეთესო ფეხბურთელად დაასახელა.

დაჯილდოების ტრადიციული ყოველწლიური ცერემონიალი ციურიხში, ონლაინ ფორმატში წარიმართა.

დაჯილდოების ფინალში ლევანდოვსკისთან ერთად, "პარი სენ-ჟერმენისა" და არგენტინის ეროვნული ნაკრების ფორვარდი ლიონელ მესი და ინგლისის "ლივერპულისა" და ეგვიპტის ნაკრების თავდამსხმელი მოჰამედ სალემი მოხვდნენ.

რობერტ ლევანდოვსკიმ FIFA-ს წლის საუკეთესო ფეხბურთელის წოდება ზედიზედ მეორედ მიიღო.

საუკეთესო ქალ ფეხბურთელად "ბარსელონას" და ესპანეთის ნაკრების ნახევარმცველი ალექსია პუტელასი დასახელდა. საუკეთესო მწვრთნელი ქალი გახდა "ჩელსის" ქალთა მწვრთნელი ემა ჰეისი.