რუსეთისა და ბელარუსის ერთობლივი სამხედრო წვრთნები თებერვალში იგეგმება. განაცხადა ბელარუსის თავდაცვის მინისტრმა, ვიქტორ ხრენინმა.

მისი განცხადებით, ბელარუსისა და რუსეთის თავდაცვის მინისტრებმა შეიმუშავეს შეიარაღებული ძალების ერთობლივი წვრთნების გეგმა. სამხედრო წვრთნები კონკრეტული თარიღდები ჯერ კიდევ ზუსტდება.

წვრთნებთან დაკავშირებით კომენტარი გააკეთა ბელარუსის პრეზიდენტმა ლუკაშენკამ. მისი განცხადებით, ბელარუსსა და რუსეთს დასავლეთ და სამხრეთ რეგიონებში მასშტაბური წვრთნები სჭირდებათ.

"მოგეხსენებათ, ამ რთულ ვითარებაში, ჯერ კიდევ გასული წლის დეკემბერში, რუსეთის ფედერაციის პრეზიდენტი და მე შევთანხმდით, რომ ერთობლივად განვახორციელოთ დაუგეგმავი კონკრეტული ღონისძიებები საკავშირო სახელმწიფოს დასავლეთ საზღვრებსა და ბელორუსის სამხრეთ ფლანგზე", - ციტირებს ლუკაშენკას სიტყვებს სააგენტო "ბელტა".

"ეს უნდა იყოს ჩვეულებრივი წვრთნები უცხო ძალებთან დაპირისპირებაში გარკვეული გეგმის შესამუშავებლად - დასავლეთით (ბალტიისპირეთი და პოლონეთი) და სამხრეთით (უკრაინა)", - დასძინა ლუკაშენკამ.

რუსეთი და ბელარუსი ერთობლივ სამხედრო წვრთნებს რეგულარულად მართავენ.

ბოლო მასშტაბური სწავლება "ზაპად 2021" სექტემბერში გაიმართა და მასში 200 000 სამხედრო მოსამსახურე, 80 თვითმფრინავი და ვერტმფრენი, 760 ერთეული სამხედრო ტექნიკა და 15 გემი მიიღებენ მონაწილეობდა.